വനിതാ പഞ്ചായത്ത് ഓവര്‍സിയറെ കെണിവച്ച് കുടുക്കിയ വിജിലന്‍സ് കൈക്കൂലി ട്രാപ്പ് കേസിലെ പ്രതി വിളപ്പില്‍ പഞ്ചായത്ത് ഓവര്‍സിയറെ തിരുവനന്തപുരം വിജിലന്‍സ് കോടതി റിമാന്റ് ചെയ്യ്തു.

പ്രതിയായ ഓവര്‍യര്‍ ശ്രീലതയുടെ ജാമ്യഹര്‍ജിയില്‍ ജൂലൈ 12 ന് വിജിലന്‍സ് നിലപാടറിയിക്കാന്‍ വിജിലന്‍സ് ജഡ്ജി ജി. ഗോപകുമാര്‍ ഉത്തരവിട്ടു. 12 ന് പ്രതിയെ അട്ടക്കുളങ്ങര വനിതാ ജയിലില്‍ നിന്ന് ഓണ്‍ലൈന്‍ ഗൂഗില്‍ മീറ്റില്‍ രാവിലെ 11 മണിക്ക് ഹാജരാക്കാന്‍ കോടതി ഉത്തരവിട്ടു.

താന്‍ നിരപരാധിയാണെന്നും പരാതിക്കാരന്‍ താന്‍ ആവശ്യപ്പെടാതെ നോട്ടുകള്‍ കൈയ്യില്‍ തിരുകി വച്ച് കേസില്‍ കുടുക്കുകയാണെന്നാണ് ജാമ്യഹര്‍ജിയില്‍ പറയുന്നത്. ചട്ടലംഘനമുള്ളതിനാല്‍ അത് ക്ലിയര്‍ ചെയ്താലേ മൂന്നാം നില കെട്ടിട പെര്‍മിറ്റ് നല്‍കാന്‍ അനുകൂല റിപ്പോര്‍ട്ട് നല്‍കാനാവൂവെന്ന് താന്‍ ശഠിച്ചതില്‍ വച്ചുള്ള വിരോധത്താല്‍ തന്നെ കള്ളക്കേസില്‍ കുടുക്കുകയായിരുന്നുവെന്നും ജാമ്യഹര്‍ജിയില്‍ ബോധിപ്പിച്ചു.


ജൂലൈ 6 നാണ് വിജിലന്‍സ് കെണിയൊരുക്കി വിളപ്പില്‍ ഗ്രാമപഞ്ചായത്ത് ഓവര്‍സിയര്‍ ഗ്രേഡ് - 2 ശ്രീലതയെ കൈക്കൂലി ട്രാപ്പ് കേസില്‍ അറസ്റ്റ് ചെയ്തത്. കുണ്ടമണ്‍കടവ് സ്വദേശിയില്‍ നിന്നും കെണിപ്പണമാ''യ 10,000 രൂപ കൈക്കൂലി വാങ്ങവേയാണ് പതുങ്ങി നിന്ന വിജിലന്‍സ് സംഘം ഓവര്‍സിയറെ അറസ്റ്റ് ചെയ്തത്.

പ്രതി കെണിപ്പണം കൈപ്പറ്റിയെന്ന് പരാതിക്കാരന്‍ സിഗ്‌നല്‍ കാട്ടിയ ഉടന്‍ മറഞ്ഞു നിന്ന വിജിലന്‍സ് സംഘം ഓടിയെത്തുകയായിരുന്നു. വിജിലന്‍സ് സ്റ്റേഷനില്‍ വച്ച് എന്‍ട്രസ്റ്റ്‌മെന്റ് മഹസറില്‍ വിവരിച്ച് പ്രതി ആവശ്യപ്പെടുമ്പോള്‍ നല്‍കണമെന്ന് നിര്‍ദ്ദേശിച്ച് പരാതിക്കാരന് (വശീകരണ സാക്ഷി ) (റലരീ്യ ംശിേല)ൈ ഫിനോഫ്തലിന്‍ പൊടി തൂകി നല്‍കിയ അതേ നോട്ടുകള്‍ പ്രതിയില്‍ നിന്നും കണ്ടെടുത്തു.



ഓവര്‍സിയറുടെ കൈവിരലുകള്‍ വിജിലന്‍സ് കൊണ്ടു ചെന്ന പൊട്ടാസ്യം പെര്‍മാംഗനേറ്റ് ലായനിയില്‍ മുക്കിയപ്പോള്‍ ലായനി പിങ്ക് നിറമായി മാറി. ഫിനോഫ്തലിന്‍ ടെസ്റ്റ് പോസിറ്റീവായതോടെ കെണിപ്പണം പ്രതി കൈപ്പറ്റിയതായി ശാസ്ത്രീയമായി തെളിയുകയായിരുന്നു. പ്രതിയെ ചോദ്യം ചെയ്ത ശേഷം തൊണ്ടിപ്പണം സഹിതം അറസ്റ്റ് രേഖപ്പെടുത്തുകയായിരുന്നു..