കൊല്ലത്ത് യുവതിയെ വീട്ടില്‍ മരിച്ച നിലയില്‍ കണ്ടെത്തി... ഭര്‍ത്താവ് കൈയിലെ ഞരമ്പുകള്‍ മുറിച്ച നിലയില്‍ ആശുപത്രിയില്‍, ഇരുവരും തമ്മില്‍ വഴക്ക് പതിവ്, കൊലപാതകമെന്ന് സംശയം. പുനലൂര്‍ മണിയാര്‍ സ്വദേശി മഞ്ജു(35)ആണ് മരിച്ചത്. ഭര്‍ത്താവ് മണികണ്ഠന്‍ മഞ്ജുവിനെ ശ്വാസം മുട്ടിച്ച് കൊലപ്പെടുത്തിയെന്നാണ് സംശയിക്കുന്നത്.

മണികണ്ഠനെ പരിക്കുകളോടെ പുനലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. മണികണ്ഠന്റെ കൈയിലെ ഞരമ്പുകള്‍ മുറിച്ച നിലയിലാണ് കാണപ്പെട്ടത്. ഇന്ന് രാവിലെയാണ് സംഭവമുണ്ടായത്. തലയണ ഉപയോഗിച്ച് ശ്വാസം മുട്ടിച്ച് മഞ്ജുവിനെ കൊലപ്പെടുത്തിയ ശേഷം ഭര്‍ത്താവ് ജീവനൊടുക്കാന്‍ ശ്രമിച്ചതാവാം എന്നാണ് പ്രാഥമിക നിഗമനത്തിലുള്ളത്.

അതേസമയം ഇരുവരും തമ്മില്‍ വഴക്ക് പതിവായിരുന്നു. കഴിഞ്ഞയാഴ്ചയും പോലീസ് സ്റ്റേഷനില്‍ വെച്ച് ഇവരുടെ പ്രശ്‌നങ്ങള്‍ പരിഹരിച്ച് വീട്ടിലേക്ക് അയച്ചതാണ്. ഇവരുടെ രണ്ട് കുട്ടികളും മഞ്ജുവിന്റെ സഹോദരനൊപ്പമാണ് താമസിച്ചിരുന്നത്. മദ്യപാനിയായ ഭര്‍ത്താവ് കഴിഞ്ഞ ദിവസം വീട്ടിലെത്തി മക്കള്‍ എവിടെയെന്ന് ചോദിച്ച് മഞ്ജുവിനെ ഉപദ്രവിച്ചിരുന്നുവെന്ന് പറഞ്ഞ് നാട്ടുകാര്‍.