കാലവര്ഷക്കുതിപ്പില് കലിതുള്ളി കടല്..... കാലവര്ഷം കനത്തതോടെ ചെറായി ബീച്ചില് ശേഷിച്ചിരുന്ന മണല്തീരവും കടലെടുത്തു.... സന്ദര്ശകര്ക്ക് കടലില് ഇറങ്ങാന് അനുവാദമില്ല
കാലവര്ഷക്കുതിപ്പില് കലിതുള്ളി കടല്..... കാലവര്ഷം കനത്തതോടെ ചെറായി ബീച്ചില് ശേഷിച്ചിരുന്ന മണല്തീരവും കടലെടുത്തു.... സന്ദര്ശകര്ക്ക് കടലില് ഇറങ്ങാന് അനുവാദമില്ല
. ബീച്ചിലെത്തുന്ന സന്ദര്ശകര്ക്ക് ഇപ്പോള് വാക്ക് വേയില് നിന്നും കടല് കണ്ട് മടങ്ങേണ്ടിവരും. കടലാണെങ്കില് കാലവര്ഷക്കുതിപ്പില് കലിതുള്ളി നില്ക്കുകയാണ്.
വര്ഷകാലം തുടങ്ങുന്നതിനു മുന്പ് വാക്ക്വേയുടെ താഴെ പാകിയിട്ടുള്ള കരിങ്കല്ലുകള് ഭൂരിഭാഗവും മണല് മൂടി കിടക്കുകയായിരുന്നു. തൊട്ട് താഴയും മണല് പരപ്പ് സമൃദ്ധമായിരുന്നു. എന്നാല് മഴ ശക്തമായതിനൊപ്പം തിരകളും ശക്തമായതോടെയാണ് മണല് മുഴവന് കടല് കവര്ന്നത്.
കടല് ക്ഷോഭിച്ചിരിക്കുന്നതിനാല് സന്ദര്ശകര്ക്ക് കടലില് ഇറങ്ങാന് അനുവാദമില്ല. ഇറങ്ങാന് ശ്രമിക്കുന്നവരെ ലൈഫ് ഗാര്ഡുകള് തടയുന്നുണ്ട്.
വര്ഷകാലത്ത് ബീച്ചിലെ മണല് മുഴുവന് ഒലിച്ചുപോകുന്നത് പതിവായ ഒരു പ്രതിഭാസമാണെങ്കിലും ചെറായി ബീച്ചിനെ സംബന്ധിച്ചിടത്തോളം ഇത് വാക് വേയുടെ ബലക്ഷയത്തിനു കാരണമാകുമെന്ന് ചൂണ്ടിക്കാണിക്കപ്പെടുന്നു.
500 മീറ്റര് നീളമുള്ള വാക് വേയുടെ വടക്ക് ഭാഗത്ത് പുലിമുട്ട് സ്ഥാപിച്ചാല് ഇത് വാക്വേയുടെ സംരക്ഷണത്തിനും മണല് അടിഞ്ഞ് തീരം രൂപപ്പെടാനും ഉപകാരപ്രദമാകുമെന്നാണ് വിദഗ്ദരുടെ അഭിപ്രായം.
"
https://www.facebook.com/Malayalivartha
