കരിപ്പൂര് രാജ്യാന്തര വിമാനത്താവളം വഴിയുള്ള അനധികൃത സ്വര്ണക്കടത്തിന് ഒത്താശ ചെയ്ത ഒമ്പത് കസ്റ്റംസ് ഉദ്യോഗസ്ഥരെ സര്വീസില് നിന്ന് പിരിച്ചുവിട്ടു....
കരിപ്പൂര് രാജ്യാന്തര വിമാനത്താവളം വഴിയുള്ള അനധികൃത സ്വര്ണക്കടത്തിന് ഒത്താശ ചെയ്ത ഒമ്പത് കസ്റ്റംസ് ഉദ്യോഗസ്ഥരെ സര്വീസില് നിന്ന് പിരിച്ചുവിട്ടു. രാജ്യത്ത് ആദ്യമായാണ് ഇത്രയധികം കസ്റ്റംസ് ഉദ്യോഗസ്ഥര് ഒരുമിച്ച് പിരിച്ചുവിടല് നടപടി .
കസ്റ്റംസ് സൂപ്രണ്ടുമാരായ എസ്. ആശ, ഗണപതി പോറ്റി, ഇന്സ്പെക്ടര്മാരായ യോഗേഷ്, യാസര് അറാഫത്ത്, സുധീര് കുമാര്, നരേഷ് ഗുലിയ, വി. മിനിമോള്, ഹെഡ് ഹവില്ദാര്മാരായ അശോകന്, ഫ്രാന്സിസ് എന്നിവരെയാണ് പിരിച്ചുവിട്ടത്.
2021 ജനുവരിയില് പ്രത്യേക അന്വേഷണസംഘം നടത്തിയ റെയ്ഡിലാണ് ഉദ്യോഗസ്ഥര് സ്വര്ണക്കടത്തിന് കൂട്ടുനിന്നതായി കണ്ടെത്തിയത്. ഇവരെ ഉടനടി സസ്പെന്ഡ് ചെയ്തിട്ടുണ്ടായിരുന്നു.
ആറ് മാസത്തെ സസ്പെന്ഷന് കാലാവധി കഴിഞ്ഞ് കൊച്ചിയില് ജോലിയില് പ്രവേശിച്ച ഇവരെ സര്വീസില് നിന്ന് പിരിച്ചുവിട്ടതായുള്ള ഉത്തരവ് ശനിയാഴ്ചയാണ് പുറത്തുവന്നത്.
https://www.facebook.com/Malayalivartha
