പശ്ചിമ ഘട്ട പ്രദേശങ്ങളിലെ നീർച്ചാലുകളുടെ ശാസ്ത്രീയ നിർണയവും ജനകീയ വീണ്ടെടുപ്പും ലക്ഷ്യമിട്ട് സംസ്ഥാന സർക്കാർ നവകേരളം കർമപദ്ധതിയുടെ ഭാഗമായി ഹരിതകേരളം മിഷന്റെ നേതൃത്വത്തിൽ നടക്കുന്ന ‘സുരക്ഷിതമാക്കാം പശ്ചിമ ഘട്ടം’ ക്യാമ്പയിനിന്റെ മാപ്പത്തോൺ പ്രവർത്തനങ്ങളുടെ ജില്ലാ റിപ്പോർട്ട്‌ പ്രകാശനം ചെയ്തു.

ജില്ലാ പഞ്ചായത്ത്‌ പ്രസിഡന്റ്‌ ഷീജ ശശി സബ് കലക്ടർ വി.ചെൽസാ സിനിക്ക് കൈമാറിക്കൊണ്ടാണ് പ്രകാശനം നിർവഹിച്ചത്. മാപ്പത്തോൺ പ്രവർത്തനം സംബന്ധിച്ച് നവകേരളം കോർഡിനേറ്റർ ബാലകൃഷ്ണൻ വിശദീകരിച്ചു.

ജില്ലാ പഞ്ചായത്ത്‌ ഓഡിറ്റോറിയത്തിൽ നവകേരളം കർമപദ്ധതി 2 ജില്ലാ മിഷൻ യോഗത്തിൽ നടന്ന പരിപാടിയിൽ വടകര നഗരസഭ ചെയർപേഴ്സൺ ബിന്ദു, ജില്ലാപഞ്ചായത്ത് വികസന സ്റ്റാൻഡിങ് ചെയർപേഴ്സൺ ജമീല, ബ്ലോക്ക്‌‌ പ്രസിഡന്റ്‌ ബാബു, പന്തലായനി ബ്ലോക്ക്‌ പഞ്ചായത്ത്‌ വൈസ് പ്രസിഡന്റ്‌ ബിന്ദു മഠത്തിൽ, കോഴിക്കോട് കോർപറേഷൻ കൗൺസിലർ സുജാത കൂടത്തിങ്കൽ, ആർദ്രം മിഷൻ, വിദ്യാകിരണം കോർഡിനേറ്റർമാർ, ലൈഫ് മിഷൻ ജീവനക്കാർ, ഡെപ്യൂട്ടി ഡയറക്ടർ ഓഫ് പഞ്ചായത്ത്‌ പ്രസാദ്, ജില്ലാപഞ്ചായത്ത് ആസൂത്രണ സമിതി ഉപാധ്യക്ഷൻ മോഹനൻ മണലിൽ, കില ഫെസിലിറ്റേറ്റർ പ്രമോദ്, റിസോഴ്സ് പേഴ്സൺ അരവിന്ദാക്ഷൻ ഹരിതകേരളം മിഷൻ റിസോഴ്സ് പേഴ്സൺമാർ, ടെക്നിക്കൽ അസിസ്റ്റന്റ് തുടങ്ങിയവർ പങ്കെടുത്തു.