കാസര്‍കോട് കുന്ന് ഇടിഞ്ഞ് വീണ് അപകടം... മണ്ണിനടിയില്‍പ്പെട്ട് ഒരു മരണം
12 MAY 2025 01:34 PM IST
മലയാളി വാര്‍ത്ത
സങ്കടക്കാഴ്ചയായി... ദേശീയപാത നിര്‍മ്മാണത്തിനിടെ കാസര്‍കോട് കുന്ന് ഇടിഞ്ഞുണ്ടായ അപകടത്തില്‍ മണ്ണിനടിയില്‍പ്പെട്ട് ഒരാള്‍ മരിച്ചു. പശ്ചിമബംഗാള്‍ കൊല്‍ക്കത്ത സ്വദേശിയായ മുംതാസ് അജ്മീര്‍ (19) ആണ് മരിച്ചത്.
അപകടത്തില്‍ മൂന്ന് പേര്‍ക്ക് പരിക്കേല്‍ക്കുകയും ചെയ്തു. ഹൊസ്ദുര്‍ഗ്ഗ് താലൂക്കിലെ ചെറുവത്തൂര്‍ മട്ടലായില്‍ ആണ് തിങ്കളാഴ്ച രാവിലെ 11 ഓടെയാണ് അപകടം സംഭവിച്ചത്.
ദേശീയപാതയിലെ ജോലിക്കിടെ പെട്ടെന്ന് കുന്ന് ഇടിഞ്ഞ് വിഴുകയായിരുന്നു. പൊലീസും ഫയര്‍ഫോഴ്സും റവന്യൂ ഉദ്യോഗസ്ഥറും സ്ഥലത്തെത്തി രക്ഷാപ്രവര്‍ത്തനം നടത്തുകയും ചെയ്തു.
അപകടത്തില്‍ പരിക്കേറ്റവരും കൊല്‍ക്കത്ത സ്വദേശികളാണ്. മുന്നാല്‍ ലസ്‌കര്‍ (55 ) മോഹന്‍ തേജര്‍ (18 ) എന്നിവര്‍ക്കാണ് സാരമായി പരിക്കേറ്റിട്ടുള്ളത്. ഇവര്‍ ചെറുവത്തൂരിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
