അനധികൃത സ്വത്ത് സമ്പാദനം ... വിജിലന്‍സിന് രൂക്ഷ വിമര്‍ശനവും ശകാരവും
എഡിജിപി എം. ആര്‍. അജിത് കുമാറിനെതിരായ അനധികൃത സ്വത്ത് സമ്പാദനക്കേസില്‍ വിജിലന്‍സിന് രൂക്ഷ വിമര്‍ശനവും ശകാരവും.
കോടതി ജുഡീഷ്യല്‍ അച്ചടക്കവും ഔചിത്യവും പാലിക്കണമെന്ന് ആക്ഷേപത്തില്‍ എഴുതിയതിന് വിജിലന്‍സിനെ കോടതി രൂക്ഷമായി വിമര്‍ശിക്കുകയും ശകാരിക്കുകയും ചെയ്തു.
വിജിലന്‍സ് പക്കലുള്ള അസ്സല്‍ കൈയ്യൊപ്പുള്ള സാക്ഷി മൊഴികള്‍ അടങ്ങിയ കേസ് ഡയറി ഫയല്‍ വിളിച്ചു വരുത്തി കോടതി പരിശോധിക്കണമെന്ന ഹര്‍ജിയിന്മേലുള്ള സര്‍ക്കാര്‍ ആക്ഷേപത്തിലാണ് സര്‍ക്കാര്‍ കോടതിക്കെതിരെ തിരിഞ്ഞത്. എന്തിനാണ് അപ്രകാരം എഴുതിയതെന്ന വിജിലന്‍സ് കോടതി ജഡ്ജി മനോജിന്റെ ചോദ്യത്തിന് ഉത്തരം നല്‍കാതെ സര്‍ക്കാര്‍ മൗനം പാലിച്ചു.
സര്‍ക്കാരിനു നല്‍കിയ അസ്സല്‍ (ഒറിജിനല്‍) വിജിലന്‍സ് റിപ്പോര്‍ട്ട് ഹാജരാക്കണമെന്ന ഹര്‍ജിയും തള്ളണമെന്ന് സര്‍ക്കാര്‍ കോടതിയില്‍ ആവശ്യമുന്നയിച്ചു.
അതേസമയം ഹൈക്കോടതി നിയമന ഉത്തരവ് പ്രകാരം പുതിയ വിജിലന്‍സ് ജഡ്ജി മനോജ് ജൂണ്‍ 2 ന് സ്ഥാനമേറ്റിട്ടും സര്‍ക്കാര്‍ സ്ഥിരീകരണ ഉത്തരവ് ഒപ്പിടാത്തതിനാല്‍ നിയമന അംഗീകാര ഉത്തരവ് കാത്ത് ഹര്‍ജി 10 ന് മാറ്റി. സര്‍ക്കാര്‍ സ്ഥിരീകരണ ഉത്തരവ് ലഭ്യമായാല്‍ മാത്രമേ വിജിലന്‍സ് സ്‌പെഷ്യല്‍ കോടതിക്ക് ഉത്തരവ് , വിധിന്യായങ്ങള്‍ എന്നിവ പുറപ്പെടുവിക്കാനാകുകയുള്ളു. സര്‍ക്കാര്‍ ഉത്തരവ് വൈകിപ്പിക്കുന്നത് സര്‍ക്കാരിന് വേണ്ടപ്പെട്ട എഡിജിപിക്കെതിരെ കോടതി ഉത്തരവ് വരുമെന്ന് ഭയന്നാണെന്നും വാദിഭാഗം അഡ്വ. നെയ്യാറ്റിന്‍കര നാഗരാജ് പറഞ്ഞു.
അതേ സമയംഅഡീ. ഡിജിപി എം ആര്‍ അജിത് കുമാറിന്റെ സ്ഥാവര ജംഗമ സ്വത്തുക്കളുടെ മൂല്യ നിര്‍ണ്ണയവും വിപണി മൂല്യവും (മാര്‍ക്കറ്റ് വാല്യു) നടത്താത്തതെ ന്തെന്ന് വിജിലന്‍സിനോട് കോടതി ചോദിച്ചു. അതിനും ഉത്തരം ബോധിപ്പിക്കാതെ സര്‍ക്കാര്‍ കോടതിയില്‍ മൗനം പാലിച്ചു നിന്നു. അതേ സമയം സ്വകാര്യ ഹര്‍ജി അപ്പാടെ തള്ളണമെന്ന സര്‍ക്കാര്‍ ആവശ്യം അപക്വമെന്ന് കോടതി സര്‍ക്കാരിനെ ഓര്‍മിപ്പിച്ചു.
എം ആര്‍ അജിത് കുമാറിനെ കുറ്റ വിമുക്തനാക്കി ക്ലീന്‍ ചിറ്റ് നല്‍കിയ വിജിലന്‍സ് അന്വേഷണ റിപ്പോര്‍ട്ട് തള്ളി കേസെടുക്കണമെന്നാ
വശ്യപ്പെട്ട് അഡ്വ നെയ്യാറ്റിന്‍കര.പി. നാഗരാജ് സമര്‍പ്പിച്ച ഹര്‍ജിയിലാണ് നാടകീയ രംഗങ്ങള്‍ അരങ്ങേറിയത്.
https://www.facebook.com/Malayalivartha
