പത്തനംതിട്ട പുല്ലാട്ട് സ്വദേശി രഞ്ജിത ജി.നായരുടെ മൃതദേഹം സ്വദേശത്തെത്തിച്ചു.... പത്തനംതിട്ട പുല്ലാട്ട് വിവേകാനന്ദ സ്‌കൂളില്‍ പൊതുദര്‍ശനശേഷം ഉച്ചയോടെ വീട്ടിലെത്തിക്കും
പത്തനംതിട്ട പുല്ലാട്ട് സ്വദേശി രഞ്ജിത ജി.നായരുടെ മൃതദേഹം സ്വദേശത്തെത്തിച്ചു. പത്തനംതിട്ട പുല്ലാട്ട് വിവേകാനന്ദ സ്‌കൂളില്‍ പൊതുദര്‍ശനം തുടങ്ങി. രാവിലെ ഏഴ് മണിയോടെ തിരുവനന്തപുരം വിമാനത്താവളത്തില്‍ എത്തിച്ച മൃതദേഹം സംസ്ഥാന സര്‍ക്കാരിനുവേണ്ടി മന്ത്രിമാരായ വി ശിവന്‍കുട്ടി, ജി ആര്‍ അനില്‍ എന്നിവരാണ് ഏറ്റുവാങ്ങിയത്.
രഞ്ജിതയുടെ മരണാന്തര ചടങ്ങുകളോട് അനുബന്ധിച്ച് പൊതുദര്‍ശനം നടക്കുന്ന സ്‌കൂളിനും തൊട്ടടുത്ത സ്‌കൂളുകള്‍ക്കും ജില്ലാ ഭരണകൂടം അവധി നല്‍കി. പൊതുദര്‍ശനത്തിനുശേഷം മൃതദേഹം ഉച്ചയോടെ വീട്ടിലെത്തിക്കും. സംസ്ഥാന സര്‍ക്കാരിനുവേണ്ടി മന്ത്രി വി എന്‍ വാസവന്‍ അന്ത്യാഞ്ജലി അര്‍പ്പിക്കും. വൈകിട്ട് 4.30നാണ് സംസ്‌കാരം നടക്കുക.
രഞ്ജിതയുടെ മൃതദേഹം ഡി.എന്‍.എ പരിശോധനയില്‍ കഴിഞ്ഞദിവസം തിരിച്ചറിഞ്ഞിരുന്നു. ദുരന്തം നടന്ന് 11ാം ദിവസമാണ് രഞ്ജിതയുടെ മൃതദേഹം തിരിച്ചറിഞ്ഞത്. അഹമ്മദാബാദിലെത്തിയ സഹോദരന്‍ രതീഷിന്റെ ഡി.എന്‍.എ സാമ്പിളുമായി പൊരുത്തപ്പെടാതിരുന്നതാണ് ഫലം വൈകാന്‍ കാരണമായത്. തുടര്‍ന്ന് മാതാവ് തുളസിയുടെ രക്ത സാമ്പിള്‍ നാട്ടില്‍ നിന്ന് ശേഖരിച്ച് ഗാന്ധിനഗറിലെ ലാബില്‍ എത്തിച്ചതിനുശേഷം പരിശോധന നടത്തുകയായിരുന്നു.
https://www.facebook.com/Malayalivartha
