മുന്‍മുഖ്യമന്ത്രി വി.എസ്.അച്യുതാനന്ദന്റെ ആരോഗ്യനിലയില്‍ മാറ്റമില്ല...
ഹൃദയാഘാതത്തെത്തുടര്‍ന്ന് ചികിത്സയിലുള്ള മുന്‍മുഖ്യമന്ത്രി വി.എസ്.അച്യുതാനന്ദന്റെ ആരോഗ്യനില ഗുരുതരമായി തുടരുന്നു. ഡയാലിസിസ് ഉള്‍പ്പെടെ പുരോഗമിക്കുന്നു... വെന്റിലേറ്ററിന്റെ സഹായത്തോടെയാണ് ശ്വസനം.
ശരീരം മരുന്നുകളോട് പ്രതികരിക്കുന്നതായി തിരുവനന്തപുരം പട്ടം എസ്.യു.ടി ആശുപത്രി അധികൃതര്‍ മെഡിക്കല്‍ ബുള്ളറ്റില്‍ വ്യക്തമാക്കി. എന്നാല്‍ ഇടവിട്ട് ഇ.സി.ജിയില്‍ വ്യതിയാനമുണ്ട്. കാര്‍ഡിയോളജി, ന്യൂറോളജി, നെഫ്രോളജി തുടങ്ങിയ വിഭാഗങ്ങളിലെ ഡോക്ടര്‍മാരുടെ നിരീക്ഷണത്തിലാണ് അദ്ദേഹം. ഇന്നലെയും മെഡിക്കല്‍ ബോര്‍ഡ് യോഗം ചേര്‍ന്ന് ആരോഗ്യനില വിലയിരുത്തി.
മന്ത്രിമാരായ വി.ശിവന്‍കുട്ടി, എം.ബി.രാജേഷ്, മുന്‍മന്ത്രി കെ.കെ.ശൈലജ, ലുലു ഗ്രൂപ്പ് ചെയര്‍മാന്‍ എം.എ.യൂസഫലി തുടങ്ങി നിരവധി ആളുകള്‍ ആശുപത്രിയിലെത്തി വി.എസിന്റെ മകന്‍ അരുണ്‍കുമാര്‍ ഉള്‍പ്പെടെയുള്ളവരുമായി സംസാരിച്ചു. തിങ്കളാഴ്ചയാണ് ഹൃദയാഘാതത്തെ തുടര്‍ന്ന് വി.എസിനെ ആശുപത്രിയില്‍ പ്രവേശിപ്പിച്ചത്.
https://www.facebook.com/Malayalivartha
