അമീബിക് മസ്തിഷ്ക ജ്വരം... രോഗപ്രതിരോധ പ്രവര്ത്തനങ്ങളില് യുവജനങ്ങള് രംഗത്ത് ഇറങ്ങും...
അമീബിക് മസ്തിഷ്ക ജ്വരം സംസ്ഥാനത്തിന്റെ വിവിധ ഭാഗങ്ങളില് റിപ്പോര്ട്ട് ചെയ്തിരിക്കുന്ന സാഹചര്യത്തില് രോഗപ്രതിരോധ പ്രവര്ത്തനങ്ങളില് യുവജനങ്ങള് രംഗത്ത് ഇറങ്ങും.
പ്രൈമറി അമീബിക് മെനിംഗോഎന്സെഫലൈറ്റിസ് എന്ന രോഗം നെയ്ഗ്ലേരിയ ഫൗളേരി മൂലമുണ്ടാകുന്ന അപൂര്വ തലച്ചോറ് അണുബാധയാണ്.
'മസ്തിഷ്കം ഭക്ഷിക്കുന്ന അമീബ' എന്ന് വിളിക്കപ്പെടുന്ന നെഗ്ലേറിയ ഫൗളേറി തടാകങ്ങള്, നദികള്, മോശമായി പരിപാലിക്കപ്പെടുന്ന നീന്തല്ക്കുളങ്ങള്, വെള്ളക്കെട്ടുകള് എന്നിവിടങ്ങളിലെ അടിത്തട്ടിലെ ചെളിയിലാണ് കാണുന്നത്. ചെളി കലര്ന്ന മലിനമായ വെള്ളം മൂക്കില് പ്രവേശിക്കുമ്പോഴാണ് ഈ രോഗബാധ സാധാരണ ഉണ്ടാവുന്നത്.
നന്നായി ക്ലോറിനേഷന് നടത്തി ശുചീകരിച്ച ജലാശയങ്ങളില് ഈ അമീബ വളരാനുള്ള സാധ്യത വിരളമാണ്. അമീബിക് മസ്തിഷ്ക ജ്വരത്തെ പ്രതിരോധിക്കുവാന് ആരോഗ്യ വകുപ്പ് ജലാശയങ്ങള് ശുചീകരിച്ച് ക്ലോറിനേറ്റ് ചെയ്യാനുള്ള പ്രവര്ത്തനങ്ങള് നടത്തുന്നുണ്ട്.
ഇതിനോട് സഹകരിച്ച് സംസ്ഥാന വ്യാപകമായി ജലാശയങ്ങള് ശുചീകരിക്കാനും ക്ലോറിനേറ്റ് ചെയ്യാനും ഡിവൈഎഫ്ഐ യൂത്ത് ബ്രിഗേഡ് രംഗത്തിറങ്ങുമെന്ന് ഡി വൈ എഫ് ഐ സംസ്ഥാന സെക്രട്ടറിയേറ്റ് അറിയിച്ചു
"
https://www.facebook.com/Malayalivartha
