നെഹ്‌റു ട്രോഫി ജലോത്സവം... ആഗസ്റ്റ് 22 ശനിയാഴ്ച ജില്ലയിൽ പ്രാദേശിക അവധി പ്രഖ്യാപിച്ചു. നെഹ്‌റു ട്രോഫി വള്ളംകളി നടക്കുന്ന ദിവസമായതിനാലാണ് ആലപ്പുഴ ജില്ലയിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി അനുവദിച്ചിരിക്കുന്നത്.

ഇത് സംബന്ധിച്ച് ജില്ലാ കലക്ടർ ഷാജി വി. നായർ ഉത്തരവിറക്കി. ജലോത്സവദിനമായ ആഗസ്റ്റ് 22ന് ജില്ലയിലെ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും.

ആലപ്പുഴയുടെ ഏറ്റവും വലിയ ജനകീയ ആഘോഷങ്ങളിലൊന്നായ നെഹ്‌റു ട്രോഫി വള്ളംകളിക്ക് മുന്നോടിയായാണ് ജില്ലാ ഭരണകൂടത്തിന്റെ തീരുമാനം. പുന്നമടക്കായലിൽ നടക്കുന്ന മത്സരത്തിലേക്ക് വൻ ജനക്കൂട്ടം എത്തുന്നതിനാൽ ഗതാഗതം ഉൾപ്പെടെയുള്ള വിവിധ മേഖലകളിൽ തിരക്ക് അനുഭവപ്പെടാൻ സാധ്യതയേറെയാണ്.

അതേസമയം, മുൻനിശ്ചയിച്ച പൊതുപരീക്ഷകൾക്ക് അവധി ബാധകമല്ല. പൊതുപരീക്ഷകൾ നേരത്തെ നിശ്ചയിച്ച സമയക്രമം അനുസരിച്ച് തന്നെ നടക്കുമെന്ന് വ്യക്തമാക്കി ജില്ലാ ഭരണകൂടം .

 "