മധുരയിലുള്ള 15 ദിവസം മുമ്പ് പ്രവര്‍ത്തനം ആരംഭിച്ച് തനിഷ്‌ക് ജൂവലറി ഷോറൂമില്‍ വന്‍ മോഷണം. 500 പവനോളം സ്വര്‍ണാഭരണങ്ങള്‍ കവര്‍ന്നതായാണ് പ്രാഥമിക വിവരം. കണക്കുകള്‍ പരിശോധിച്ച് വരികയാണെന്ന് പോലീസ് അറിയിച്ചു. ജൂവലറി ഷോറൂം ഔദ്യോഗികമായി ഉദ്ഘാടനം നടക്കാനിരിക്കന്നതേയുള്ളൂ. ഷോറൂമില്‍ സൂക്ഷിച്ചിരുന്ന മൊത്തം സ്വര്‍ണാഭരണങ്ങളുടെ ഏകദേശം 30 ശതമാനവും മോഷണം പോയതായാണ് പുരത്തുവരുന്ന വിവരം.

വ്യാഴാഴ്ച പുലര്‍ച്ചെ 3 മണിയോടെയാണ് കവര്‍ച്ച നടന്നത്. അന്വേഷണത്തിനായി മൂന്ന് പ്രത്യേക സംഘങ്ങളെ നിയോഗിച്ചിട്ടുണ്ട്. പ്രാഥമിക വിവരങ്ങള്‍ അനുസരിച്ച്, മുഖംമൂടി ധരിച്ച തിരിച്ചറിയാത്ത ഒരാള്‍ വ്യാഴാഴ്ച പുലര്‍ച്ചെ പിന്‍വാതിലിലൂടെ ഷോറൂമില്‍ പ്രവേശിച്ച് ആഭരണങ്ങളുമായി കടന്നുകളയുകയായിരുന്നു. സംഭവത്തെ തുടര്‍ന്ന് പോലീസും ഫോറന്‍സിക് വിദഗ്ധരും എത്തി പരിശോധനകള്‍ നടത്തിവരികയാണ്.