അര്ജുന് ആയങ്കിക്ക് സൈബര് പൊലീസ് രജിസ്റ്റര് ചെയ്ത കേസില് ജാമ്യം
നിരവധി കേസുകളില് പ്രതിയായ അര്ജുന് ആയങ്കിക്ക് സൈബര് പൊലീസ് രജിസ്റ്റര് ചെയ്ത കേസില് ജാമ്യം. കണ്ണൂര് സൈബര് പൊലീസ് രജിസ്റ്റര് ചെയ്ത കേസിലാണ് ജാമ്യം ലഭിച്ചത്. എന്നാല് കാപ്പക്കേസില് പ്രതിയായതിനാല് ജയിലില് തുടരേണ്ടിവരും.
അര്ജുന് ആയങ്കിയെ കണ്ണൂര് സെന്ട്രല് ജയിലില് കരുതല് തടങ്കലിലാക്കാനുള്ള നടപടി പൊലീസ് തുടങ്ങിയിട്ടുണ്ട്. തലശ്ശേരി സബ് ജയിലില് നിന്ന് കണ്ണൂര് സെന്ട്രല് ജയിലിലേക്ക് മാറ്റാനുള്ള അപേക്ഷ ഇന്ന് കോടതിയില് നല്കും. കൂടാതെ അര്ജുന് ഇന്ന് കാപ്പാ നോട്ടീസും കൈമാറും. കഴിഞ്ഞ ദിവസമാണ് അര്ജുന് ആയങ്കിക്കെതിരെ കാപ്പ ചുമത്തിയത്.
കാപ്പ ചുമത്തുന്നതിനുള്ള കണ്ണൂര് സിറ്റി പൊലീസ് കമ്മീഷണറുടെ ശുപാര്ശ കളക്ടര് അംഗീകരിക്കുകയായിരുന്നു. നിരന്തരം കുറ്റകൃത്യങ്ങളില് ഏര്പ്പെടുന്ന വ്യക്തിയാണ് അര്ജുനെന്നും വീണ്ടും കുറ്റകൃത്യങ്ങളില് ഏര്പ്പെടാനുള്ള സാദ്ധ്യതയുണ്ടെന്നും ചൂണ്ടിക്കാട്ടിയാണ് കാപ്പ ചുമത്തിയത്.
https://www.facebook.com/Malayalivartha
