തലസ്ഥാനത്ത് വൻ പ്രകടനം..കണ്ണൂരിലെ നേതാക്കളും പറന്നിറങ്ങി..പിണറായിയെ തൊട്ടാൽ..ഗോവിന്ദന്റെ പ്രകടനം..എസ്.ഐ.ടി നിര്ണ്ണായക നടപടികളിലേക്ക് കടക്കുന്നു..
മടിയിൽ കനമില്ല എന്നൊക്കെ പറഞ്ഞാലും ഇന്നലെ സർക്കാർ എസ് ഐ ടി രൂപീകരിച്ച് കുറച്ചു മണിക്കൂറുകൾ കഴിയുമ്പോഴേക്കും നേതാക്കളെ എല്ലാം വിളിച്ചു കൂട്ടി പാർട്ടി . തലസ്ഥാനത്ത് വൻ പ്രകടനമായിരുന്നു നടന്നത് . വരും ദിവസങ്ങളിൽ സർക്കാരിനെ കൂടുതൽ സമർദ്ദത്തിലാക്കാനുള്ള നീക്കമാണ് സി പി എം പ്ലാൻ ചെയ്യുന്നത് . മാസപ്പടി കേസില് എന്ഫോഴ്സ്മെന്റ് ഡയറക്ടറേറ്റിന്റെ (ഇ.ഡി) കത്തിന്റെ അടിസ്ഥാനത്തില് രൂപീകരിക്കുന്ന പ്രത്യേക അന്വേഷണ സംഘം (എസ്.ഐ.ടി) നിര്ണ്ണായക നടപടികളിലേക്ക് കടക്കുന്നു.
ഇ.ഡി കത്ത് നല്കി 15 ദിവസത്തിന് ശേഷമാണ് വിഷയം വീണ്ടും അന്വേഷണവിധേയമാക്കാന് സര്ക്കാര് തീരുമാനമെടുത്തത്. പ്രത്യേക അന്വേഷണ സംഘത്തെ രൂപീകരിക്കുന്ന കാര്യത്തില് ഡിജിപിയുടെ ഭാഗത്തുനിന്ന് ഉടന് ഔദ്യോഗിക ഉത്തരവിറങ്ങും.പ്രതിപക്ഷ നേതാവ് പിണറായി വിജയന്, മുന് മന്ത്രി മുഹമ്മദ് റിയാസ്, വീണ വിജയന് എന്നിവര്ക്കെതിരെയുള്ള മാസപ്പടി ആരോപണങ്ങളിലാണ് സര്ക്കാരിന്റെ നിര്ദ്ദേശപ്രകാരം ക്രൈംബ്രാഞ്ച് വിജിലന്സ് മാതൃകയില് പ്രത്യേക അന്വേഷണ സംഘത്തെ രൂപീകരിക്കുന്നത്.
ഇത് സംബന്ധിച്ച് സര്ക്കാരെടുത്ത തീരുമാനം കത്തായി ഇന്ന് ഡിജിപിക്ക് കൈമാറും. തുടര്ന്ന് എസ്.ഐ.ടിയെ രൂപീകരിച്ച് സര്ക്കാര് ഉത്തരവ് പുറപ്പെടുവിക്കും.രൂപീകരണത്തിന് ശേഷം എസ്.ഐ.ടി സംഘം ആദ്യം കൂടിക്കാഴ്ച നടത്തുക ഇ.ഡി ഉദ്യോഗസ്ഥരുമായിട്ടായിരിക്കും. കേസില് ഇ.ഡി ഇതുവരെ നടത്തിയ അന്വേഷണ കണ്ടെത്തലുകളും ശേഖരിച്ച തെളിവുകളും വിശകലനം ചെയ്ത ശേഷമായിരിക്കും സംസ്ഥാന പൊലീസിന്റെ അന്വേഷണം ആരംഭിക്കുക. കേസില് പ്രധാനമായും ഉയര്ന്നുവന്ന ഹവാല ഇടപാടുകളെ കേന്ദ്രീകരിച്ചായിരിക്കും അന്വേഷണം മുന്നോട്ട് കൊണ്ടുപോകുക.
സംഘം പ്രവര്ത്തനം ആരംഭിച്ച് 30 ദിവസത്തിനകം പ്രാഥമിക അന്വേഷണം പൂര്ത്തിയാക്കാനാണ് നിര്ദ്ദേശം. സാമ്പത്തിക ഇടപാടുകളുടെ കൃത്യമായ തെളിവുകള് ശേഖരിക്കാനും അന്വേഷണത്തിന്റെ ആദ്യഘട്ടത്തില് തന്നെ ആധികാരികമായ പ്രാഥമിക റിപ്പോര്ട്ട് സമര്പ്പിക്കാനും പോലീസിന് നിര്ദ്ദേശമുണ്ട്. ആദ്യഘട്ട റിപ്പോര്ട്ടിന്റെ അടിസ്ഥാനത്തിലായിരിക്കും തുടര്നടപടികള് നിശ്ചയിക്കുക.
https://www.facebook.com/Malayalivartha
