കേരളത്തിലെ കേന്ദ്ര സര്‍ക്കാര്‍ ജീവനക്കാര്‍ക്ക് ശമ്പളം നേരത്തെ നല്‍കി കേന്ദ്ര സര്‍ക്കാരിന്റെ ഓണസമ്മാനം
09 SEPTEMBER 2016 01:39 PM IST
മലയാളി വാര്‍ത്ത
സംസ്ഥാനത്തെ എല്ലാ കേന്ദ്ര സര്‍ക്കാര്‍ ജീവനക്കാര്‍ക്കും സെപ്റ്റംബറിലെ ശമ്പളം ഓണത്തിനു തലേദിവസം നല്‍കാന്‍ നിര്‍ദ്ദേശം നല്‍കിക്കൊണ്ട് കേന്ദ്ര ധനകാര്യമന്ത്രാലയം ഉത്തരവിറക്കി. ഇതാദ്യമായാണ് കേന്ദ്രസര്‍ക്കാര്‍ ഓണക്കാലത്ത് കേരളത്തില്‍ നേരത്തെ ശമ്പളം നല്‍കുന്നത്.
ജോയിന്റ് കണ്‍ട്രോളര്‍ ജനറല്‍ ഓഫ് അക്കൗണ്ട്‌സിന്റെ ഉത്തരവ് കഴിഞ്ഞദിവസം പുറത്തിറങ്ങി. ഉത്തരവ് പ്രകാരം സൈനികര്‍, തപാല്‍ടെലി കമ്യൂണിക്കേഷന്‍ എന്നീ വകുപ്പുകളില്‍ ഉള്‍പ്പെടെയുള്ള ജീവനക്കാര്‍ക്കും വിരമിച്ചവര്‍ക്കും സെപ്റ്റംബര്‍ 13ന് പണം ലഭിയ്ക്കും.
സെപ്റ്റംബര്‍ മാസത്തിലെ കിഴിവുകളും മറ്റ് ക്രമീകരണങ്ങളും അടുത്ത മാസത്തെ ശമ്പളത്തില്‍നിന്ന് പിടിച്ചാല്‍ മതിയാവും. എല്ലാ മന്ത്രാലയങ്ങളും വകപ്പുകളും ഇക്കാര്യം അതാത് ഓഫീസുകളെ എത്രയും വേഗം അറിയിക്കണമെന്നും ഉത്തരവില്‍ വ്യക്തമാക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
