പൊതു ജനത്തിന്റെ സംരക്ഷകരാണ് പോലീസ്. സ്വന്തം ഡ്യൂട്ടിയിലൂടെ അത് തെളിയിക്കുകയാണ് ഇദ്ദേഹം. കോട്ടയത്തെ ട്രാഫിക് പൊലീസിന്റെ ബ്രാന്‍ഡ് അംബാസിഡറായി മാറിയിരിക്കുകയാണ് പുളിമൂട് ജംഗ്ഷനില്‍ ഗതാഗതം നിയന്ത്രിക്കുന്ന ആര്‍പ്പൂക്കര സ്വദേശി എ.എസ്.ഐ പ്രിന്‍സ് തോമസ്.
കോട്ടയംകാര്‍ക്ക് സുപരിചിതനാണെങ്കിലും ഉന്തുവണ്ടി തള്ളാന്‍ വഴിയാത്രക്കാരനായ ഒരു വൃദ്ധനെ സഹായിക്കുന്ന ചിത്രമാണ് നവമാധ്യമങ്ങളില്‍ ഈ ഉദ്യോഗസ്ഥാനെ ഇപ്പോള്‍ താരമാക്കിയിരിക്കുന്നത്.
പച്ചക്കറി വില്പനക്കാരനായ വൃദ്ധന്‍ രൂക്ഷമായ ഗതാഗതക്കുരുക്കുള്ള പുളിമൂട് ജംഗ്ഷനില്‍ തന്റെ ഉന്തുവണ്ടിയുമായി എത്തിയപ്പോളായിരുന്നു സംഭവം. പ്രായത്തിന്റെ അവശതകള്‍ അലട്ടുന്ന സഹജീവിക്ക് സഹായത്തിന്റെ കരം നീട്ടിയ മനുഷ്യസ്‌നേഹിയായ പ്രിന്‍സിനിപ്പോള്‍ നിലക്കാത്ത അഭിന്ദന പ്രവാഹമാണ്.
കഴിഞ്ഞ നാല് വര്‍ഷക്കാലമായി കോട്ടയം ട്രാഫിക് പൊലീസിന്റെ ഭാഗമായ പ്രിന്‍സ് തോമസിനിത് ഡ്യൂട്ടിയുടെ ഭാഗമാണെങ്കിലും കോട്ടയംകാര്‍ക്കിത് വ്യത്യസ്ത അനുഭവമായി. 
ഇതൊനൊടകം തന്നെ എസ്.പി യുടെ മികച്ച ട്രാഫിക് സേവത്തിനുള്ള ഗുഡ്‌സ് സര്‍വീസ് എന്‍ട്രയിലും മുന്നില്‍ത്തന്നെയുണ്ട്. കൂടാതെ പോലീസ് ഓഫീസര്‍സ് അസോസിയേഷന്റെ സമ്മേളനത്തിന് മന്ത്രി മാത്യു ടി തോമസ് ജില്ലയിലെത്തിയപ്പോള്‍ പ്രിന്‍സ് തോമസിനെ ആദരിക്കുക പോലുമുണ്ടായി, ഇതിനു മുമ്പ് ജില്ലാ ജഡ്ജിയുടെ ഗണ്‍മാനായിരുന്ന പ്രിന്‍സിനെ ജഡ്ജിയും പുരസ്‌കാരം നല്‍കി ആദരിച്ചിട്ടുണ്ട് എന്നറിയുമ്പോളാണ് ആളൊരു പുലിയാണെന്നു മനസ്സിലാവുക. അതിനും കാരണമുണ്ട്, പ്രിന്‍സ് തോമസ്സിനെപ്പറ്റി അന്വേഷിച്ചാല്‍ സഹപ്രവര്‍ത്തകര്‍ മുതല്‍ ജില്ലാ പൊലീസ് മേധാവി വരെയുള്ളവര്‍ക് പറയാന്‍ നൂറു നാവാണ. എന്നുവെച്ച് നിയമം തെറ്റിക്കുന്നവരോട് വിട്ടുവീഴ്ച ചെയ്യുന്ന ആളാണിദ്ദേഹം എന്ന് കരുതുന്നവര്‍ക് തെറ്റി. ഗതാഗത നിയമം തെറ്റിക്കുന്ന വിരുതന്മാരെ നിയമപരമായി കൈകാര്യം ചെയ്യാനും കക്ഷിക് മടിയൊന്നുമില്ലെന്നു അനുഭവസ്ഥനായ ഒരു ഫ്രീക്കന്റെ കമെന്റും കൂട്ടി വായിച്ചാല്‍ സംശയിക്കേണ്ട. കാര്യം ഐ.പി.സ് ഒന്നുല്ലേലും ആളൊരു ചെറിയ ഭരത്ചന്ദ്രന്‍ തന്നെയാണ്.