ആളെ കയറ്റിയാല്‍ പണം… കെഎസ്ആര്‍ടിസി ലാഭത്തില്‍ ഓടിയാല്‍ കണ്ടക്ടര്‍ക്കും ഡ്രൈവര്‍ക്കും പ്രത്യേക പ്രോത്സാഹന വേതനവും പ്രൊമോഷനും
30 SEPTEMBER 2014 10:09 AM IST
മലയാളി വാര്‍ത്ത.
ജീവനക്കാരെ കൂടുതല്‍ കര്‍മനിരതരാക്കാന്‍ ആകര്‍ഷകമായ നടപടികള്‍ സ്വീകരിക്കുന്നതുവഴി കെഎസ്ആര്‍ടിസിയെ ലാഭത്തിലാക്കാനും സാധിക്കും. നിലവില്‍ 8,000 രൂപയ്ക്കു മുകളില്‍ വരുമാനമുള്ള ബസുകള്‍ക്കാണ് കളക്ഷന്‍ ബാറ്റ കിട്ടുന്നത്. അതും വളരെ തുച്ഛമായ തുകയാണ്. ഓര്‍ഡിനറി ബസില്‍ ആയിരം ടിക്കറ്റിനു മുകളില്‍ വില്‍ക്കുന്ന ടിക്കറ്റിന് 10 പൈസ വീതവും ജീവനക്കാര്‍ക്കു ലഭിക്കുമെന്നാണ് കണക്ക്. ഇത്രയും ടിക്കറ്റുകള്‍ വില്‍ക്കുന്ന ബസുകള്‍ വളരെ കുറവാണ്.
എന്‍ജിന്‍ തകരാറായ ബസുകള്‍ ഒഴിച്ച് ബാക്കി എല്ലാ ബസുകളും സര്‍വീസിന് സജ്ജമാക്കാനും തീരുമാനിച്ചിട്ടുണ്ട്. ആകെയുള്ള 5659 ഷെഡ്യൂളുകളില്‍ 5015 വരെ ഇപ്പോള്‍ ഓടുന്നുണ്ട്. സാധാരണ പല കാരണങ്ങളാല്‍ ഷെഡ്യൂളുള്‍ റദ്ദാക്കേണ്ടി വന്നിട്ടുണ്ട്. ഇങ്ങനെ ഷെഡ്യൂള്‍ റദ്ദാക്കല്‍ കാരണം കെഎസ്ആര്‍ടിസിയ്ക്ക് നഷ്ടം 846 കോടിയാണ്. 4.25 കോടിയില്‍ നിന്നും ദിവസ വരുമാനം ഇപ്പോള്‍ 5.54 കോടിയിലേക്ക് ഉയര്‍ന്നു.
ബസിന്റെ ചാര്‍ജ് വര്‍ധന, ഡീസല്‍ ഉപയോഗത്തിലെ നിയന്ത്രണം എന്നിവ വരുമാനം കൂട്ടാന്‍ കാരണമായി. ദിവസം വരുമാനം 7 കോടിയിലെത്തിച്ചാല്‍ കെഎസ്ആര്‍ടിസിയെ മുന്നോട്ടു കൊണ്ടു പോകാനാകും. വര്‍ക് ഷോപ്പുകളില്‍ നൂറോളം ജീവനക്കാരെ പുതുതായി നിയമിക്കാനും തീരുമാനമുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
