സംസ്ഥാനത്തിന്റെ മദ്യനയം അട്ടിമറിക്കാന്‍ സംഘടിത നീക്കം നടക്കുന്നുണ്ടെന്ന് കെപിസിസി പ്രസിഡന്റ് വി.എം സുധീരന്‍. ഇതിനായി പലഭാഗത്തുനിന്നും പലതരത്തിലുള്ള നീക്കങ്ങള്‍ നടക്കുന്നു. ഇവയ്‌ക്കെതിരെ ജാഗ്രതയോടെ കരുതിയിരിക്കേണ്ട സമയമാണിത്.
മദ്യനയത്തെക്കുറിച്ചു തെറ്റായ പ്രചാരണം സൃഷ്ടിച്ചു ചിലര്‍ രാഷ്ട്രീയ മുതലപ്പെടുപ്പിനു ശ്രമിക്കുകയാണ്.
ലോകാരോഗ്യ സംഘടനയുടെ ലഹരി വിരുദ്ധ പരിപാടികള്‍ക്കു നേതൃതം നല്‍കിയ ആള്‍ നയിക്കുന്ന മദ്യ ഉല്‍പ്പാദകരുടെ രാജ്യാന്തര സംഘടന ഇവിടെയുണ്ട്. ഇവര്‍ കേരളത്തിലെ മദ്യനയത്തെ ഞെട്ടലോടെയാണു കാണുന്നത്.
സര്‍ക്കാരിന്റെ മദ്യനയത്തെ കേരളത്തിലെ ജനങ്ങള്‍ അംഗീകരിച്ചെങ്കിലും ഇന്റര്‍ നാഷണല്‍ സെന്റര്‍ ഫോര്‍ ആല്‍ക്കഹോളിക് പോളിസീസ് എന്ന സംഘടന ആശയക്കുഴപ്പം ഉണ്ടാക്കാന്‍ ഇടയുണ്ടെന്നും ഇതിനെ ജാഗ്രതയോടെ കാണണമെന്നും സുധീരന്‍ പറഞ്ഞു.
കെഎസ്‌യു സംസ്ഥാന പ്രസിഡന്റ് വി.എസ്.ജോയി നയിക്കുന്ന സംസ്ഥാനയാത്ര ഉദ്ഘാടനം ചെയ്യുകയായിരുന്നു സുധീരന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha