ചെകുത്താനും കടലിനും നടുവിലാണെന്ന് പറഞ്ഞ് കേട്ടിട്ടില്ലേ. ഇത് ശശി തരൂരിന്റെ കാര്യത്തില്‍ നൂറ് ശതമാനം ശരിയാണ്. കോണ്‍ഗ്രസിന് അധികാരം നഷ്ടപ്പെട്ടതില്‍ തരൂരിന് വിഷമമില്ലായിരുന്നു. എന്നാല്‍ നരേന്ദ്ര മോഡി പ്രധാനമന്ത്രി ആയത് തരൂരിന് വെല്ലുവിളിയായി. മോഡിയെ നേരിട്ട് വെല്ലുവിളിച്ച ആളാണ് തരൂര്‍. എന്നാല്‍ പെട്ടന്നായിരുന്നു എല്ലാം. 
സുനന്ദ പുഷ്‌കറുടെ മരണം, പഴയ ഐപിഎല്‍ കോഴ എല്ലാം ബിജെപിക്കാര്‍ കുത്തിപ്പൊക്കുന്ന അവസ്ഥയിലായിരുന്നു. ആ സമയത്താണ് മോഡിയുടെ വികസനത്തെ പറ്റി ചില നല്ല അഭിപ്രായങ്ങള്‍ തരൂര്‍ പറഞ്ഞത്. അതൊന്നും കോണ്‍ഗ്രസുകാര്‍ കാര്യമാക്കിയില്ല. എന്നാല്‍ കഴിഞ്ഞ ഗാന്ധി ജയന്ധിക്ക് മോഡി ചൂലുമെടുത്ത് ആംആദ്മിയായത് കണ്ട് തരൂരിന് സങ്കടം വന്നു. അത് മറച്ചു വച്ചില്ല. മോഡിയുടെ ക്ലീന്‍ ഇന്ത്യയില്‍ തരൂര്‍ ഊറ്റം കൊണ്ടു. ഉടന്‍ തന്നെ മോഡിയുടെ ചലഞ്ച് തരൂര്‍ ഏറ്റെടുത്തു. ഇത് ദേശീയ മാധ്യമങ്ങള്‍ ആഘോഷിക്കുകയും ചെയ്തു.
ഉടന്‍ രാഹുല്‍ ഗാന്ധിയെ സ്‌നേഹിക്കുന്നവര്‍ രംഗത്തെത്തി. കെ.പിസിസിസി പ്രസിഡന്റ് വിഎം സുധീരന്‍, രമേശ് ചെന്നിത്തല, വിഡി സതീശന്‍, എംഎം ഹസന്‍ എന്നിവരും രംഗത്തെത്തി. തരൂരിനെതിരെ നടപടി വേണമെന്നും അവര്‍ ആവശ്യപ്പെട്ടു.

മോദിയെ പുകഴ്ത്തുന്ന ശശി തരൂരിന്റെ നടപടി അപലപനീയമെന്ന് രമേശ് ചെന്നിത്തല പറഞ്ഞു. പാര്‍ട്ടി പ്രവര്‍ത്തകര്‍ക്കും ജനങ്ങള്‍ക്കും ഇതില്‍ ശക്തമായ എതിര്‍പ്പുണ്ട്. തരൂര്‍ ബിജെപിയുടെ കെണിയില്‍ വീഴുകയാണുണ്ടായതെന്നും തരൂരിനെതിരെ കെപിസിസിക്ക് പരാതി ലഭിച്ചിട്ടുണ്ടെന്നും വി.എം. സുധീരന്‍ അറിയിച്ചു.
ബിജെപിക്കൊപ്പം ചേര്‍ന്ന് വര്‍ഗീയ അജന്‍ഡ വളര്‍ത്താന്‍ ശശി തരൂര്‍ ശ്രമിക്കുകയാണെന്ന് വി.ഡി.സതീശന്‍ പറഞ്ഞു. തരൂര്‍ അധികാരത്തിന്റെ പുതിയ മേച്ചില്‍പ്പുറങ്ങള്‍ തേടുകയാണെന്നും സതീശന്‍ ആരോപിച്ചു.
നരേന്ദ്രമോദിയെ ആവര്‍ത്തിച്ച് പ്രശംസിക്കുന്ന രീതി ശശി തരൂര്‍ അവസാനിപ്പിക്കണമെന്ന് കെപിസിസി വൈസ് പ്രസിഡന്റ് എം.എം. ഹസന്‍ ആവശ്യപ്പെട്ടു.

അതേസമയം ശുചിത്വ ഇന്ത്യ ഗാന്ധിജിയുടെ ഭാവനയാണെന്നാണ് തരൂരിന്റെ പ്രതികരണം. താന്‍ ബിജെപിയില്‍ പോകുമെന്ന് പറയുന്നത് വേദനിപ്പിക്കുന്നു എന്നും തരൂര്‍ പ്രതികരിച്ചു.

ഇപ്പോള്‍ വെട്ടിലായിരിക്കുന്നത് തരൂരാണ്. മോഡിയെ തള്ളിപ്പറഞ്ഞാല്‍ പണി കിട്ടും. പറയാതിരുന്നാല്‍ രാഹുലിന്റെ പണിയും...

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha