തരൂര് മോഡിയെ സുഖിപ്പിക്കുന്നതെന്തിന്?
നരേന്ദ്രമോഡിക്ക് വേണ്ടി ശശിതരൂര് രംഗത്തിറങ്ങുന്നതെന്തിന്? ശുചിത്വ ഭാരത പദ്ധതിയുടെ അംബാസിഡറാകാന് തരൂരിനെ മോഡി ക്ഷണിച്ചതെന്തിന്? ഇതെല്ലാം യാദൃഛികതയാണെന്ന് കരുതുന്നെങ്കില് തെറ്റി.
ശശിതരൂരിന്റെ ഭാര്യസുനന്ദ പുഷ്കറിന്റെ ദുരൂഹമരണത്തെ കുറിച്ച് ദില്ലി പോലീസിന്റെ കൈയിലിരിക്കുന്ന ഫയല് ജീവന് വയ്ക്കാതിരിക്കണമെങ്കില് മോഡിയെ പ്രകീര്ത്തിച്ച് രംഗത്തെത്താന് ബിജെപിയുടെ ഒരു ദേശീയ നേതാവ് തരൂരിന് നിര്ദ്ദേശം നല്കുകയായിരുന്നു. ഇല്ലെങ്കില് കേസില്പെടുത്തി അകത്താക്കുമെന്ന വ്യക്തമായ സൂചന ബിജെപി നേതൃത്വം തരൂരിന് നല്കിയതായാണ് സൂചന. എല്ലാവരും പറയുന്നതു പോലെ തരൂര് കോണ്ഗ്രസിനെതിരെ പ്രചരണം നടത്തുകയല്ല. പകരം നിലനില്പിനു വേണ്ടിയുള്ള സമരത്തിലാണ് അദ്ദേഹം.
തരൂരിനെ ഉപയോഗിച്ച് കോണ്ഗ്രസ് നേതൃത്വത്തെ വെല്ലുവിളിക്കുകയാണ് മോഡിയുടെയും ബിജെപിയുടെയും ലക്ഷ്യം. അതേസമയം തരൂരിനെ രക്ഷപ്പെടുത്താനൊന്നും ബിജെപി ആലോചിച്ചിട്ടില്ല. ഗുജറാത്ത് മുഖ്യമന്ത്രിയായിരിക്കെ നരേന്ദ്രമോഡിയെ അദ്ദേഹത്തിന്റെ ആസ്ഥാനത്ത് ചെന്ന് പരിഹസിച്ച തരൂരിനെ മുട്ടു കുത്തിക്കുക മാത്രമാണ് ബിജെപിയുടെ ലക്ഷ്യം. സുനന്ദ കേസില് ബിജെപി തന്നോട് ആദ്യം മൃദു സമീപനം കാണിക്കുമെന്ന് തരൂര് പ്രതീക്ഷിക്കുന്നുണ്ടെങ്കിലും അത് സംഭരിക്കാന് യാതൊരു സാധ്യതയുമില്ല.
തരൂരിനെതിരെ രംഗത്തു വന്ന കെ.പി.സി.സിയുടെ പ്രതിഷേധം വില പോവാന് യാതൊരു സാധ്യതയുമില്ല. കാരണം മോഡി സര്ക്കാരിനെതിരെ തരൂരിനെ രംഗത്തിറക്കാന് ഒരിക്കലും കോണ്ഗ്രസ് ഹൈക്കമാന്റ് ശ്രമിക്കുകയില്ല. കോണ്ഗ്രസിന് പല കാര്യങ്ങളിലും ബിജെപിയുടെ സഹായം ആവശ്യമാണ്. നിലവില് കോണ്ഗ്രസിന്റെ ദേശീയ നേതൃത്വത്തിലുള്ള ആരുമായും ബിജെപിക്ക് ബന്ധമില്ല. തരൂരുമായി ബന്ധമുണ്ടായാല് അത്രയും നല്ലതെന്നായിരിക്കും കോണ്ഗ്രസ് നേതൃത്വം കരുതുക.
തരൂര് മോഡിയുടെ കെണിയില് വന്നെന്നാണ് സംഭവത്തെ കുറിച്ച് സുധീരന് പ്രതികരിച്ചത്. ഇന്ദിരാഗാന്ധിയെ വരെ വിമര്ശിച്ച തരൂര് മോഡിയുടെ കെണിയില് വീണതില് ഒരത്ഭുതവുമില്ല. ലക്ഷക്കണക്കിന് പ്രവര്ത്തകരുടെ ചോരയും നീരുമാണ് തരൂരിനെ എം.പിയാക്കിയതെന്ന് സുധീരന് പറയുന്നുണ്ടെങ്കിലും അതൊന്നും ഹൈക്കമാന്റില് വിലപോവാന് യാതൊരു സാധ്യതയുമില്ല. ചുരുക്കത്തില് മോഡി ഭക്തനായി തരൂര് മാറുന്നത് തിരുവനന്തപുരത്തുകാര്ക്ക് കണ്ടു നില്ക്കേണ്ടി വരും. ദുര്ബലമായ കോണ്ഗ്രസ് നേതൃത്വത്തിന് ഇത്തരം കാഴ്ചകള് നോക്കി നില്ക്കേണ്ടി വരും.
സമയമാകുമ്പോള് തരൂരിനെ ചതിക്കാനും ബിജെപി മറക്കില്ല. നടുകടലിലാകുമ്പോള് തരൂരിനെ രക്ഷിക്കാന് കോണ്ഗ്രസും കാണില്ല, ബിജെപിയും കാണില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
