അവിശ്വാസം ഒരുങ്ങുന്നു...കേന്ദ്രസര്ക്കാരിനെതിരെ അവിശ്വാസപ്രമേയത്തിന് ടി.ഡി.പി.
ചടുലമായ കളം നീക്കങ്ങള് കേന്ദ്രത്തെ ലക്ഷ്യം വെച്ച്. കേന്ദ്രസര്ക്കാരിനെതിരെ അവിശ്വാസപ്രമേയത്തിന് ടി.ഡി.പി ഒരുങ്ങുന്നുവെന്ന് റിപ്പോര്ട്ടുകള്. പാര്ലമെന്റിന്റെ വരാനിരിക്കുന്ന വര്ഷകാല സമ്മേളനത്തില് അവിശ്വാസ പ്രമേയം അവതരിപ്പിക്കാനാണ് ആന്ധ്രാ പ്രദേശ് മുഖ്യമന്ത്രിയും ടി.ഡി.പി നേതാവുമായ ചന്ദ്രബാബു നായിഡുവിന്റെ നീക്കം. അടുത്ത വര്ഷം സംസ്ഥാനത്ത് തെരഞ്ഞെടുപ്പ് നടക്കാനിരിക്കേ, ആന്ധ്രപ്രദേശില് ബിജെപിയുടെ കൂടുതല് സീറ്റുകള് ലക്ഷ്യം വെച്ചുള്ള പ്രവര്ത്തനങ്ങള്ക്ക് ദേശീയ അധ്യക്ഷന് അമിത് ഷാ തന്നെ നേതൃത്വം നല്കുന്നുണ്ട്. എന്.ഡി.എയുടെ ദക്ഷിണേന്ത്യയിലെ ഏറ്റവും വലിയ സഖ്യകക്ഷിയായിരുന്ന ടി.ഡി.പി ആന്ധ്രാ പ്രദേശിന് പ്രത്യേക പദവി എന്ന വിഷയത്തില് കേന്ദ്ര സര്ക്കാരുമായി തെറ്റുകയായിരുന്നു. 2014ല് തെലങ്കാന സംസ്ഥാനം രൂപീകരിച്ചശേഷം ആന്ധ്ര പ്രത്യേക പദവിയ്ക്കായി രംഗത്തെത്തുണ്ട്. ടി.ഡി.പിയുടെ ആവശ്യത്തിനായി പിന്തുണയ്ക്കാമെന്ന് ബി.ജെ.പി നേതൃത്വം അറിയിച്ചിരുന്നെങ്കിലും കേന്ദ്രത്തില് അധികാരത്തിലെത്തിയതിനുശേഷം ഇതിനായി ഒന്നും ചെയ്തിരുന്നില്ല എന്ന് ആരോപിച്ച് ഈ വര്ഷം മാര്ച്ചില് ടി.ഡി.പി മന്ത്രിമാരെ പിന്വലിച്ചിരുന്നു.
https://www.facebook.com/Malayalivartha