കേരളത്തിലേക്കുള്ള ട്രെയിനില്‍ സംശയകരമായ സാഹചര്യത്തില്‍ കടത്താന്‍ ശ്രമിച്ച കുട്ടികളെ ജാര്‍ഖണ്ഡില്‍ രക്ഷപ്പെടുത്തി. ബൊക്കാറോ റെയില്‍വേ സ്‌റ്റേഷനില്‍ 87 ആണ്‍കുട്ടികളെയും റാഞ്ചി റെയില്‍വേ സ്‌റ്റേഷനില്‍ 21 കുട്ടികളെയുമാണ് പോലീസും ശിശുസംരക്ഷണ സമിതി പ്രവര്‍ത്തകരും ചേര്‍ന്നു രക്ഷപ്പെടുത്തിയത്. കഴിഞ്ഞ ദിവസം മുംബൈയിലേക്കുള്ള ട്രെയിനില്‍നിന്ന് 26 പെണ്‍കുട്ടികളെ രക്ഷപ്പെടുത്തിയതിനു പിന്നാലെയാണ് നൂറിനടുത്ത് കുട്ടികളെയും കണ്ടെത്തുന്നത്.

ആലപ്പുഴധന്‍ബാദ് എക്‌സ്പ്രസില്‍ കുട്ടികള്‍ക്കൊപ്പമുണ്ടായിരുന്ന ആറു പേരെ പോലീസ് കസ്റ്റഡിയിലെടുത്തു. തെലങ്കാനയിലെ ഒരു മദ്രസയിലേക്കാണു കുട്ടികളെ കൊണ്ടുപോകുന്നതെന്ന് ഇവര്‍ പറഞ്ഞു. കുട്ടികളില്‍ ഭൂരിപക്ഷവും ജമാത്ര നാരായണ്‍പുരില്‍ നിന്നുള്ളവരാണ്. ഇവരുടെ സംരക്ഷണം ശിശുക്ഷേമ സമിതിക്കു കൈമാറി.