തമിഴ്‌നാട് മുന്‍ മുഖ്യമന്ത്രിയും ഡിഎംകെ നേതാവുമായ എം.കരുണാനിധിയുടെ ആരോഗ്യനില മാറ്റമില്ലാതെ തുടരുന്നു. അദ്ദേഹത്തെ പ്രവേശിപ്പിച്ചിരിക്കുന്ന കാവേരി ആശുപത്രിയിലെ ഡോക്ടര്‍മാരുടെ വിദഗ്ധ സംഘമാണ് ഇക്കാര്യം വ്യക്തമാക്കിയത്.

എന്നാല്‍ ശനിയാഴ്ച രാത്രി എട്ടിന് പുറത്തുവന്ന മെഡിക്കല്‍ ബുള്ളറ്റിനു ശേഷം ആശുപത്രി അധികൃതര്‍ കരുണാനിധിയെ സംബന്ധിക്കുന്ന വിവരങ്ങളൊന്നും തന്നെ ഔദ്യോഗികമായി പുറത്ത് വിട്ടിട്ടില്ല. കരുണാനിധിയുടെ ആരോഗ്യനിലയില്‍ മാറ്റമില്ലെന്നും അദ്ദേഹം തീവ്രപരിചരണ വിഭാഗത്തില്‍ തുടരുമെന്നുമായിരുന്നു മെഡിക്കല്‍ ബുള്ളറ്റിനില്‍ പറഞ്ഞിരുന്നത്.
ശനിയാഴ്ച പുലര്‍ച്ചെ ഒന്നോടെയാണ് രക്തസമ്മര്‍ദം കുറഞ്ഞതിനെ തുടര്‍ന്ന് അദ്ദേഹത്തെ അല്‍വാര്‍പേട്ടിലുള്ള കാവേരി ആശുപത്രിയിലേക്ക് മാറ്റിയത്. ഇവിടെ സന്ദര്‍ശകര്‍ക്ക് കര്‍ശന നിയന്ത്രണമേര്‍പ്പെടുത്തിയിട്ടുണ്ട്.