കേന്ദ്ര സര്‍ക്കാര്‍ ജീവനക്കാര്‍ക്ക് ഏഷ്യന്‍ രാജ്യങ്ങള്‍ സന്ദര്‍ശിക്കാന്‍ അവസരമൊരുങ്ങുന്നു
കേന്ദ്ര സര്‍ക്കാര്‍ ജീവനക്കാര്‍ക്ക് ഏഷ്യന്‍ രാജ്യങ്ങള്‍ സന്ദര്‍ശിക്കുന്നതിന് അവസരമൊരുക്കി പേഴ്‌സണല്‍ മന്ത്രാലയം. എല്‍.ടി.സി (ലീവ് ട്രാവല്‍ കണ്‍സഷന്‍) പരിധിയില്‍ ഇനിമുതല്‍ അഞ്ച് മദ്ധ്യ ഏഷ്യന്‍ രാജ്യങ്ങള്‍ സന്ദര്‍ശിക്കാനാണ് കേന്ദ്രജീവനക്കാര്‍ക്ക് അവസരമൊരുങ്ങുന്നത്. ഇതുസംബന്ധിച്ച് പേഴ്‌സണല്‍ മന്ത്രാലയത്തിന്റെ ശുപാര്‍ശ, നിര്‍ദ്ദേശങ്ങള്‍ക്കായി മറ്റ് വകുപ്പുകള്‍ക്ക് അയച്ചു കൊടുത്തിരിക്കുകയാണ്.
ആഭ്യന്തര, വിനോദ, വ്യോമയാന വകുപ്പുകള്‍ക്കാണ് നിര്‍ദ്ദേശത്തിനായി അയച്ചുകൊടുത്തിരിക്കുന്നത്. മദ്ധ്യ ഏഷ്യന്‍ രാജ്യങ്ങളായ ഖസാക്കിസ്ഥാന്‍, തുര്‍ക്‌മെനിസ്ഥാന്‍, ഉസ്‌ബെക്കിസ്ഥാന്‍, കിര്‍ഗിസ്ഥാന്‍, തജിക്കിസ്ഥാന്‍ എന്നീ രാജ്യങ്ങളാണ് എല്‍.ടി.സി പരിധിയില്‍ ഉള്‍പ്പെടുത്തുന്നത്.
പ്രസ്തുത രാജ്യങ്ങളുമായുള്ള ഇന്ത്യയുടെ ബന്ധം ശക്തിപ്പെടുത്തുന്നതിന്റെ ഭാഗമായാണ് ഇത്തരമൊരു തീരുമാനമെന്ന് വിദേശകാര്യമന്ത്രാലയം വ്യക്തമാക്കി.
https://www.facebook.com/Malayalivartha
