പുതുവർഷത്തിൽ രാഷ്ട്രീയ പ്രഖ്യാപനം നടത്തി തെന്നിന്ത്യൻ നടൻ പ്രകാശ്​ രാജ്. 2019ലെ പൊതുതെരഞ്ഞെടുപ്പില്‍ സ്വതന്ത്ര സ്ഥാനാര്‍ത്ഥിയായി മത്സരിക്കുമെന്നാണ് പ്രകാശ് രാജ് ട്വിറ്ററിലൂടെ അറിയിച്ചിരിക്കുന്നത്.

എല്ലാവർക്കും പുതുവത്സരാശംസകൾ. ഒരു പുതിയ തുടക്കമാണ്. പുതിയ ഉത്തരവാദിത്തം. നിങ്ങളുടെ പിന്തുണയോടെ വരുന്ന പാര്‍ലമെന്റില്‍ സ്വതന്ത്ര സ്ഥാനാര്‍ത്ഥിയായി ഞാന്‍ മത്സരിക്കും. ജനവിധി തേടുന്ന മണ്ഡലം ഏതെന്ന കാര്യം ഉടന്‍ അറിയിക്കും. ഇത്തവണ ജനങ്ങളുടെ സര്‍ക്കാര്‍.’ . അബ് കി ബാര്‍ ജനതാ സര്‍ക്കാര്‍.. പൗരൻമാരുടെ ശബ്​ദമാണ്​ പാർലമ​​െൻറിൽ ഉയരുക’’-എന്നാണ് പ്രകാശ് രാജിന്റെ ട്വീറ്റ്.

മോദി സര്‍ക്കാറിന്റെയും ബി.ജെ.പിയുടെയും കടുത്ത വിമര്‍ശകന്‍ കൂടിയാണ് നടൻ പ്രകാശ് രാജ് . മാധ്യമപ്രവര്‍ത്തക ഗൗരി ലങ്കേഷിന്റെ കൊലപാതകത്തിനുശേഷമാണ് പ്രകാശ് രാജ് ഹിന്ദുത്വശക്തികള്‍ക്കെതിരെ ശക്തമായ വിമര്‍ശനങ്ങളുമായി രംഗത്തുവന്നത്.

ബി.ജെ.പി പ്രചരിപ്പിക്കുന്ന തരത്തിലുള്ള ഹിന്ദുത്വ ഇന്ത്യയില്‍ നടക്കില്ലെന്ന് നേരത്തെ പ്രകാശ് രാജ് പറഞ്ഞിരുന്നു. ‘ അവര്‍ പറയുന്നു ഞാന്‍ ഹിന്ദു വിരുദ്ധനാണെന്ന്. അല്ല. ഞാന്‍ മോദി വിരുദ്ധനാണ്. ഹെഡ്‌ഗെ വിരുദ്ധനാണ്. അമിത് ഷാ വിരുദ്ധനാണ്. എന്നെ സംബന്ധിച്ച് ഹിന്ദുക്കള്‍ എന്ന ഒന്നില്ല.’ എന്നാണ് 2018 ജനുവരിയില്‍ പ്രകാശ് രാജ് പറഞ്ഞത്.

പ്രകാശ്​ രാജി​​​െൻറ രാഷ്ട്രീയ പ്രവേശന പ്രഖ്യാപനത്തിന് സോഷ്യൽ മീഡയയിൽ മികച്ച പ്രതികരണമാണ് ലഭിക്കുന്നത്​​. നേരത്തെ സൂപ്പർ സ്​റ്റാർ രജനികാന്തിനും കമല്‍ഹാസനും പുതിയ പാർട്ടികൾ പ്രഖ്യാപിച്ചുകൊണ്ട്​ രാഷ്​ട്രീയത്തിലേക്ക്​ കടന്നിരുന്നു.