ബ്രിട്ടിഷ് എണ്ണക്കപ്പലിലെ മലയാളികള് ഉള്പ്പെടെ ഏഴു ജീവനക്കാരെ വിട്ടയയ്ക്കുമെന്ന് ഇറാന്; സ്റ്റെന ഇംപറോ എണ്ണക്കപ്പല് ജൂലൈ 19നാണ് ഇറാന് സേനാവിഭാഗമായ റവല്യൂഷനറി ഗാര്ഡ്സ് പിടിച്ചെടുത്തത്
ഇറാന് പിടിച്ചെടുത്ത സ്റ്റെന ഇംപറോ എന്ന ബ്രിട്ടിഷ് എണ്ണക്കപ്പലിലെ ഏഴു ജീവനക്കാരെ വിട്ടയയ്ക്കുമെന്ന് ഇറാന്റെ ദേശീയ ടെലിവിഷന് റിപ്പോര്ട്ടു ചെയ്തു. എണ്ണക്കപ്പലിലെ ജീവനക്കാരില് മലയാളികളും ഉള്പ്പെടുന്നു. മാനുഷിക പരിഗണനയിലാണ് ഇവരെ മോചിപ്പിക്കുന്നതെന്നും അവര്ക്ക് ഉടന് ഇറാന് വിടാനാകുമെന്നും വിദേശകാര്യ മന്ത്രാലയ വക്താവ് അബ്ബാസ് മൗസവി അറിയിച്ചു.
ജീവനക്കാരും ക്യാപ്റ്റനുമായും ഇറാന് പ്രശ്നങ്ങളില്ലെന്നും എണ്ണക്കപ്പല് രാജ്യാന്തര സമുദ്രഗതാഗത നിയമങ്ങള് തെറ്റിച്ചതാണ് പ്രശ്നമെന്നും അദ്ദേഹം പറഞ്ഞു. കളമശേരി തേക്കാനത്തു വീട്ടില് ഡിജോ പാപ്പച്ചന്, ഇരുമ്പനം സ്വദേശി സിജു വി. ഷേണായി, കാസര്കോട് സ്വദേശി മേലേകണ്ടി പ്രീജിത് എന്നിവരാണ് ബ്രിട്ടിഷ് എണ്ണക്കപ്പലിലുള്ള മലയാളികള്.സ്വീഡിഷ് കമ്ബനിയായ സ്റ്റെനാ ബള്ക് ബ്രിട്ടനില് റജിസ്റ്റര് ചെയ്ത സ്റ്റെന ഇംപറോ എണ്ണക്കപ്പല് ജൂലൈ 19നാണ് ഇറാന് സേനാവിഭാഗമായ റവല്യൂഷനറി ഗാര്ഡ്സ് പിടിച്ചെടുത്തത്. രാജ്യാന്തര സമുദ്രഗതാഗത നിയമങ്ങള് തെറ്റിച്ചെന്ന് ആരോപിച്ചായിരുന്നു നടപടി.
https://www.facebook.com/Malayalivartha
