ഒരു മകള്ക്കെങ്കിലും നീതി കിട്ടിയല്ലോ, പ്രതികളുടെ മരണവാര്ത്ത എന്റെ മുറിവില് മരുന്ന് പുരട്ടിയതു പോലെ ആശ്വാസം പകരുന്നു... ഏഴ് വര്ഷത്തിലേറെയായി ഞാനെന്റെ മകള്ക്ക് നീതി തേടി അലമുറയിടുകയാണ്!! ഹൈദരാബാദ് സംഭവത്തില് പ്രതികരിച്ച് നിര്ഭയയുടെ അമ്മ
ഇന്നലെ രാത്രിയോടെയാണ് ഹൈദരാബാദില് മൃഗഡോക്ടറെ കൊലപ്പെടുത്തിയ നാല് പ്രതികളെ പോലീസ് തെളിവെടുപ്പിനിടെ വെടിവെച്ച് കൊന്നത്. പ്രതികള് കസ്റ്റഡിയില് നിന്നും രക്ഷപ്പെടാന് ശ്രമിക്കുന്നതിനിടെ മറ്റ് വഴികളില്ലാതെ വെടിവെച്ച് കൊലപ്പെടുത്തിയെന്നാണ് പോലീസ് ഭാഷ്യം. യുവഡോക്ടറെ ക്രൂരമായി ബലാത്സംഗം ചെയ്ത് കൊലപ്പെടുത്തിയ കേസിലെ നാല് പ്രതികളേയും പോലീസ് വെടിവെച്ചുകൊന്ന സംഭവത്തില് പ്രതികരിച്ച് ഡല്ഹിയിലെ നിര്ഭയയുടെ അമ്മ. പ്രതികളുടെ മരണവാര്ത്ത തന്റെ മുറിവില് മരുന്ന് പുരട്ടിയതു പോലെ ആശ്വാസം പകരുന്നതാണെന്ന് നിര്ഭയയുടെ അമ്മ ആശാ ദേവി പ്രതികരിച്ചു. 2012 മുതല് തന്നെ അലട്ടുന്ന മുറിവിന് ആശ്വാസമായെന്നാണ് രാജ്യത്തിന്റെ തന്നെ കണ്ണീരായ നിര്ഭയയുടെ അമ്മ പറയുന്നത്. 'ഒരു മകള്ക്കെങ്കിലും നീതി കിട്ടിയല്ലോ എന്നാണ് ഞാന് ആശ്വസിക്കുന്നത്. പോലീസിനോട് നന്ദി പറയുകയാണ്. ഏഴ് വര്ഷത്തിലേറെയായി ഞാനെന്റെ മകള്ക്ക് നീതി തേടി അലമുറയിടുകയാണ്. കുറ്റവാളികള്ക്ക് തക്കശിക്ഷ ലഭിക്കാന് നിയമം ലംഘിച്ചാണെങ്കിലും നടപടികള് വേണം. എങ്കില് മാത്രമേ ഈ സമൂഹത്തില് നല്ല മാറ്റങ്ങള് സംഭവിക്കൂ. ഞാനിപ്പോഴും കോടതിയില് നീതിക്കായി അലയുകയാണ്. ഈ ജിസംബര് 13ാം തീയതിയും കോടതിയില് പോകേണ്ടതുണ്ട്.'- ആശാ ദേവി പറയുന്നു.
https://www.facebook.com/Malayalivartha