ചെ​ന്നൈ​യി​ല്‍ 27 മാ​ധ്യ​മ​പ്ര​വ​ര്‍​ത്ത​ക​ര്‍​ക്ക് കൂ​ടി കോ​വി​ഡ്-19 രോ​ഗം സ്ഥി​രീ​ക​രി​ച്ചു. റോ​യ​പു​ര​ത്തെ സ്വ​കാ​ര്യ വാ​ര്‍​ത്താ ചാ​ന​ലി​ലെ ജീ​വ​ന​ക്കാ​ര്‍​ക്കാ​ണ് രോ​ഗം സ്ഥിതീകരിച്ചത്.. ജീ​വ​ന​ക്കാ​ര്‍​ക്ക് കൂ​ട്ട​മായി രോ​ഗം ബാ​ധി​ച്ച​തോ​ടെ ചാ​ന​ല്‍ പൂ​ട്ടി.

കോ​വി​ഡ് ആ​ദ്യം സ്ഥി​രീ​ക​രി​ച്ച 24വ​യ​സു​കാ​ര​നാ​യ മാ​ധ്യ​മ​പ്ര​വ​ര്‍​ത്ത​ക​നി​ല്‍ നി​ന്നാ​ണ് മറ്റു സ​ഹ​പ്ര​വ​ര്‍​ത്ത​ക​ര്‍​ക്കും രോ​ഗം പ​ക​ര്‍​ന്ന​ത്. ഇ​വ​രു​ടെ 94 സാ​മ്ബി​ളു​ക​ള്‍ ശേ​ഖ​രി​ച്ചി​രു​ന്നു. ഇ​തി​ല്‍ 27 പേ​രു​ടെ ഫ​ലം പോ​സി​റ്റീ​വ് ആ​കു​ക​യാ​യി​രു​ന്നു. ചി​ല പ​രി​ശോ​ധ​നാ ഫ​ല​ങ്ങ​ള്‍ കൂ​ടി വ​രാ​നു​ണ്ടെ​ന്ന് ചെ​ന്നൈ കോ​ര്‍​പ​റേ​ഷ​ന്‍ അ​ധി​കൃ​ത​ര്‍ അ​റി​യി​ച്ചു. റോ​യ​പു​ര​ത്ത് മാ​ത്രം ഇ​തു​വ​രെ 92 കോ​വി​ഡ് കേ​സു​ക​ളാ​ണ് റി​പ്പോ​ര്‍​ട്ട് ചെ​യ്ത​ത്.

രാജ്യത്ത് കൊറോണ വ്യാപനം ഗുരുതരമായി തുടരുന്ന സംസ്ഥാനങ്ങളിലൊന്നാണ് തമിഴ്‌നാട്. കൊറോണ ബാധിതരുടെ എണ്ണം വര്‍ധിച്ചുവരുന്ന സാഹചര്യത്തില്‍ തമിഴ്‌നാട് ആശങ്കയിയാണ്. ഒരാഴ്ച്ചയായി പുതുതായി രോഗം കണ്ടെത്തുന്നവരുടെ എണ്ണം ശരാശരി അന്‍പത് ആയിരുന്നു. എന്നാല്‍ ഇന്നലെ 105 പേര്‍ക്കായിരുന്നു രോഗം സ്ഥിരീകരിച്ചത്. ഇഇതോടെ സംസ്ഥാനത്ത് രോഗം സ്ഥിരീകരിച്ചവരുടെ എണ്ണം 1477 ആയി ഉയര്‍ന്നിരിക്കുകയാണ്. 411 പേര്‍ അസുഖം മാറി വീടുകളിലേക്ക് മടങ്ങിയിട്ടുണ്ട്.

സംസ്ഥാനത്ത് ഇതുവരേയും 15 ഡോക്ടര്‍മാര്‍ക്കാണ് രോഗം സ്ഥിരീകരിച്ചത്. ഇന്ത്യയില്‍ ഇതുവരേയും കൊറോണ വൈറസ് ബാധിതരുടെ എണ്ണം 18000 കടന്നു. 18,601 പേര്‍ക്കാണ് രോഗം സ്ഥിരീകരിച്ചത്. കേന്ദ്ര ആരോഗ്യ കുടുംബക്ഷേത്ര മന്ത്രാലയം ജോയിന്റ് സെക്രട്ടറി ലവ് അഗര്‍വാളാണ് ഇക്കാര്യം അറിയിച്ചത്. കഴിഞ്ഞ 24 മണിക്കൂറിനിടെ രാജ്യത്ത് 1336 പേര്‍ക്ക് കൊറോണ സ്ഥിരീകരിച്ചിട്ടുണ്ട്.

നിലവില്‍ രാജ്യത്ത് 14700 പേരാണ് ചികിത്സയിലുള്ളത്. 24 മണിക്കൂറിനിടെ 47 പേര്‍ കൂടി മരണപ്പെട്ടതോടെ മരണസംഖ്യ 590 ആയി. അതേസമയം രാജ്യത്ത് 3252 പേര്‍ക്ക് രോഗം ഭേദമായിട്ടുണ്ട്.