തൊഴിലാളികൾ മണ്‍കൂനയില്‍ കണ്ടത് ഞെട്ടിക്കുന്ന കാഴ്ച്ച രണ്ട് കുഞ്ഞിക്കാലുകള്‍ പൊങ്ങി നിന്നത് കണ്ടത്. എവിടെയോ നേര്‍ത്ത കരച്ചില്‍ കേട്ട ദിക്കിലേക്ക് അവര്‍ ഓടിയെത്തി. സംശയം തോന്നി ചെളിക്കൂന നീക്കി നോക്കിയപ്പോള്‍ വായ നിറയെ മണ്ണുമായി തെളിഞ്ഞുവന്നതു ജീവനുള്ളൊരു ആണ്‍ കുഞ്ഞ്. യുപിയിലെ സിദ്ധാര്‍ത്ഥ് നഗറിലുള്ള സൊനൗര ഗ്രാമത്തിലായിരുന്നു ജീവനോടെ കുഴിച്ചിട്ട ചോരക്കുഞ്ഞിന് പുനര്‍ജന്മം ലഭിച്ചത്. നിര്‍മ്മാണം നടക്കുന്ന വീടിനോട് ചേര്‍ന്ന് കാടുപിടിച്ച സ്ഥലത്തുളള മണ്‍കൂനയില്‍ കുഴിച്ചിട്ട നിലയിലായിരുന്നു കുട്ടിയെ കണ്ടെത്തിയത് .

ചുറ്റുമുള്ള മണ്ണ് ശ്രദ്ധയോടെ നീക്കി അവനെ വാരിയെടുത്ത ഗ്രാമീണര്‍ സമീപത്തെ ആശുപത്രിയിലേക്കോടുകയും ചെയ്തു . വായിലും മൂക്കിലും മണ്ണുപോയതിനാല്‍ ശ്വാസകോശത്തിന് കേടുപാടു വന്നിട്ടുണ്ടാകുമോയെന്നായിരുന്നു ഡോക്ടര്‍മാരുടെ ആശങ്കപ്പെട്ടത്. ദേഹത്തെ മണ്ണും ചെളിയും തുടച്ചുനീക്കി. പരിചരിച്ചതോടെ കുഞ്ഞിന്റെ ആരോഗ്യം മെച്ചപ്പെട്ടു. വിദഗ്ദ്ധചികിത്സയ്ക്കായി പിന്നീട് ആശുപത്രിയിലേക്ക് മാറ്റി.പൊലീസ് കേസെടുത്ത് അന്വേഷണം ആരംഭിച്ചു.