മനസ്സാക്ഷി മരവിപ്പിക്കുന്ന വാർത്തകളാണ് കുറച്ചു നാളുകളായി നാം കേട്ടുകൊണ്ടിരിക്കുന്നത് . ഇപ്പോഴിതാ ആറ് വയസ്സുള്ള മകനെ കുത്തിക്കൊന്ന് യുവതി ആത്മഹത്യയ്ക്ക് ശ്രമിച്ചു എന്ന വാർത്ത കൂടി നമ്മളെ തേടിയെത്തുന്നത്. പഞ്ചാബിലെ ജലന്ധറിലെ ഷാഹ്‌കോട്ടിലാണ് സംഭവം. കുല്‍വീന്ദര്‍ കൗര്‍(30) എന്ന യുവതിയാണ് മകന്‍ അര്‍ഷ്പ്രീതിനെ കുത്തിക്കൊന്ന ശേഷം വീടിന്റെ രണ്ടാംനിലയില്‍നിന്ന് ചാടി ജീവനൊടുക്കാന്‍ ശ്രമിച്ചത്. ഗുരുതരമായി പരിക്കേറ്റ യുവതിയെ ആശുപത്രിയില്‍ പ്രവേശിപ്പിച്ചതയാണ് റിപ്പോർട്ടുകൾ..

തിങ്കളാഴ്ച രാത്രിയാണ് കുല്‍വീന്ദര്‍ കൗര്‍ മകനെ കുത്തിക്കൊന്നത്. കുല്‍വീന്ദറിന്റെ ഭര്‍ത്താവിന് ഇറ്റലിയിലാണ് ജോലി. ജലന്ധറില്‍ ഭര്‍ത്താവിന്റെ മാതാപിതാക്കള്‍ക്കൊപ്പമാണ് ഇവരുടെ താമസം. ആറ് വയസ്സുകാരനായ മകന്‍ മിക്കസമയവും മുത്തശ്ശിക്കും മുത്തച്ഛനുമൊപ്പം സമയം ചിലവഴിക്കുന്നതില്‍ യുവതി അസ്വസ്ഥയായിരുന്നു എന്ന് പറയപ്പെടുന്നു മുത്തശ്ശിയെ മകന്‍ ഏറെ സ്‌നേഹിക്കുന്നതും കുല്‍വീന്ദര്‍ ഇഷ്ടപ്പെട്ടിരുന്നില്ല.

തിങ്കളാഴ്ച രാത്രിയും ഭക്ഷണം കഴിച്ചശേഷം മകന്‍ മുത്തശ്ശിയുടെ കിടപ്പുമുറിയിലേക്കാണ് പോയത്. ഇതില്‍ കുപിതയായ കുല്‍വീന്ദര്‍ മകനെ സ്വന്തം മുറിയിലേക്ക് കൊണ്ടുവരികയും കറിക്കത്തി കൊണ്ട് കുത്തി പരിക്കേല്‍പ്പിക്കുകയുമായിരുന്നു. രണ്ട് തവണയാണ് മകനെ കത്തികൊണ്ട് കുത്തിയത്. കുഞ്ഞിന്റെ കരച്ചില്‍ കേട്ടെത്തിയ മുത്തച്ഛനും മുത്തശ്ശിയും ചോരയില്‍ക്കുളിച്ച് കിടക്കുന്ന കുട്ടിയെയാണ് കണ്ടത്. കുട്ടിയെ ഉടന്‍തന്നെ ആശുപത്രിയില്‍ എത്തിച്ചെങ്കിലും വഴിമദ്ധ്യേ മരണം സംഭവിച്ചു.

ഇതിനിടെയാണ് കുല്‍വീന്ദര്‍ കൗര്‍ വീടിന്റെ രണ്ടാംനിലയില്‍നിന്ന് ചാടി ജീവനൊടുക്കാന്‍ ശ്രമിച്ചത്. ഗുരുതരമായി പരിക്കേറ്റ യുവതി നിലവില്‍ ആശുപത്രിയില്‍ ചികിത്സയിലാണ്. സംഭവത്തില്‍ കുല്‍വീന്ദറിനെതിരെ കൊലപാതകക്കുറ്റം ചുമത്തി കേസെടുത്തതായി പോലീസ് പറഞ്ഞു.
അമ്മയേക്കാൾ ഏറെ മുത്തശ്ശിയെ സ്നേഹിച്ചതാണ് നൊന്തു പ്രസവിച്ച മകന്റെ ജീവന്ടെതുക്കാൻ ആ അമ്മയെ പ്രേരിപ്പിച്ചത് എന്നതാണ് ഏറ്റവും വേദന ജനകമായ കാര്യം. സ്വന്തം കുഞ്ഞിന് വേണ്ടി എന്ത് ത്യാഗവും സഹിക്കുന്ന അമ്മമാരുടെ കഥകൾ കേട്ട് വളർന്ന നമുക്കടിയിലേക്കാണ് സ്വാർത്ഥ താത്പര്യങ്ങൾക്കായി കുഞ്ഞുങ്ങളെ ഉപേക്ഷിച്ചു കടന്നു പോകുന്ന അമ്മയെ കുറിച്ചും, കാമുകന് വേണ്ടി സ്വന്തം കുഞ്ഞിനെ കടൽഭിത്തിയിൽ എറിഞ്ഞു കൊള്ളുന്ന അമ്മയെയും ഏറ്റവും ഒടുവിൽ അമ്മൂമ്മയെ സ്നേഹിച്ചതിന്റെ പേരിൽ സ്വന്തം ചോരയായ മകനെ കൊള്ളുന്ന അമ്മയെ കുറിച്ചും നാം കേൾക്കുന്നത്