കാര്യങ്ങള് കൈവിട്ടുപോകുമോ; രാജ്യത്തെ വലിയൊരു ഭാഗം ജനങ്ങള്ക്ക് കോവിഡ് ബാധിക്കുമെന്ന് ഐ.സി.എം.ആറിന്റെ മുന്നറിയിപ്പ്
രാജ്യത്തെ വലിയൊരു ഭാഗം ജനങ്ങള്ക്ക് കോവിഡ് ബാധിക്കുമെന്ന് ഐ.സി.എം.ആറിന്റെ മുന്നറിയിപ്പ്. സംസ്ഥാനങ്ങള് കര്ശന നിയന്ത്രണം തുടരാത്തപക്ഷം കാര്യങ്ങള് കൈവിട്ടുപോകും. നഗരങ്ങളിലെ ചേരികളിലാണ് രോഗബാധയ്ക്ക് സാധ്യത കൂടുതലെന്നും ഐ.സി.എം.ആര് നിര്ദേശിച്ചു.
സംസ്ഥാനങ്ങള് കര്ശന നിയന്ത്രണങ്ങള് തുടരണം. ഇല്ലെങ്കില് കൈവിട്ടുപോകും. പ്രായമായവര്, ഗര്ഭിണികള്, കുട്ടികള്, രോഗികള് എന്നിവരെ പ്രത്യേകം പരിരക്ഷിക്കണം. കോവിഡ് ഭീഷണി മാസങ്ങള് നീണ്ടേക്കുമെന്ന മുന്നറിയിപ്പും ഐ.സി.എം.ആര് നല്കുന്നു.
നിലവില് മരണനിരക്ക് കുറവാണ്, ഇതുവരെ പരമാവധി നിയന്ത്രണത്തിലാണ്. ഇപ്പോള് രാജ്യത്ത് കോവിഡ് സമൂഹവ്യാപനമില്ലെന്നും ഐ.സി.എം.ആര് വ്യക്തമാക്കുന്നു. രാജ്യത്തെ വിവിധ കൊവിഡ് കണ്ടെയ്ന്മെന്റ് സോണുകളില് 15 മുതല് 30 % വരെ ജനങ്ങള്ക്ക് കൊവിഡ് വന്നുപോയതായി ഐ.സി.എം.ആര് സെറോ സര്വേയിലൂടെ കണ്ടെത്തിയതായി റിപ്പോര്ട്ട്. കൊവിഡ് രൂക്ഷമായ മുംബയ്, ഡല്ഹി, പൂനെ, അഹമ്മദാബാദ് തുടങ്ങി 10 നഗരങ്ങളിലും 21 സംസ്ഥാനങ്ങളിലെ 60 ജില്ലകളിലുമായാണ് റാപിഡ് ആന്റിബോഡ് ടെസ്റ്റ് നടത്തിയത്. സംസ്ഥാന സര്ക്കാരുകള്,നാഷണല് സെന്റര് ഫോര് ഡിസീസ് കണ്ട്രോള്, ലോകാരോഗ്യസംഘടനയുടെ ഇന്ത്യയിലെ ഓഫീസ് എന്നിവയുടെ സഹായത്തോടെ റാന്ഡമായി 24,000 രക്തസാമ്പിളുകളാണ് ശേഖരിച്ചതെന്നും ദേശീയമാദ്ധ്യങ്ങള് റിപ്പോര്ട്ട് ചെയ്തു. അതേസമയം വാര്ത്തകള് ഊഹാപോഹമാണെന്നും സര്വേ ഫലങ്ങള് അന്തിമമായി ക്രമീകരിച്ചിട്ടില്ലെന്നും ഐ.സി.എം.ആര് അറിയിച്ചു. ഡല്ഹിയും മുംബയും അടക്കമുള്ള 10 നഗരങ്ങളില് നടത്തിയ സര്വേയില് 15 മുതല് 30 % പേരില് കൊവിഡിനെ പ്രതിരോധിക്കുന്ന ആന്റിബോഡി കണ്ടെത്തിയതായും ഇത്രയധികം പേര്ക്ക് രോഗം വന്നുപോയെന്നും ഐ.സി.എം.ആര് വിലയിരുത്തിയെന്നും റിപ്പോര്ട്ടുകള് പറയുന്നു.
https://www.facebook.com/Malayalivartha
