കശ്മീരി വിദ്യാര്ഥികള്ക്ക് സ്കോളര്ഷിപ്പ് നല്കാനുള്ള പാകിസ്ഥാന് നീക്കത്തോട് കടുത്ത എതിര്പ്പ് പ്രകടിപ്പിച്ച് ഇന്ത്യന് സുരക്ഷാ ഏജന്സികള്....
കശ്മീരി വിദ്യാര്ഥികള്ക്ക് സ്കോളര്ഷിപ്പ് നല്കാനുള്ള പാകിസ്ഥാന് നീക്കത്തോട് കടുത്ത എതിര്പ്പ് പ്രകടിപ്പിച്ച് ഇന്ത്യന് സുരക്ഷാ ഏജന്സികള്. പാകിസ്ഥാനിലെ പ്രൊഫഷണല് കൊഴ്സുകളില് ചേര്ന്ന് പഠിക്കാന് ആഗ്രഹിക്കുന്ന 1600 വിദ്യാര്ഥികള്ക്ക് സ്കോളര്ഷിപ്പ് നല്കുന്നതിനാണ് ഇമ്രാന്ഖാന് ഭരണകൂടം പദ്ധതി തയ്യാറാക്കിയത്.
അതേസമയം പാകിസ്ഥാനില് പഠിക്കാനായി പോയവര് പിന്നീട് തീവ്രവാദികളായി നുഴഞ്ഞ്കയറിയ സംഭവങ്ങള് നേരത്തെ നിരവധി ഉണ്ടായിട്ടുണ്ടെന്ന് സുരക്ഷാ ഏജന്സികള് വ്യക്തമാക്കുന്നു. കശ്മീരി യുവാക്കളെ ഇന്ത്യയ്ക്കെതിരെ തിരിക്കാനുള്ള പദ്ധതിയുടെ ഭാഗമാണ് സ്കോളര്ഷിപ്പ് എന്നും സുരക്ഷാ സേന മുന്നറിയിപ്പ് നല്കുന്നു.
നിലവില് 150 കശ്മീരികള് പാകിസ്ഥാനില് മെഡിക്കല്-എന്ജിനീയറിംഗ് പഠനത്തിനായി പ്രവേശിച്ചിട്ടുണ്ട് എന്നാണ് സുരക്ഷാ ഏജന്സികള് നല്കുന്ന വിവരം.
ഈ വര്ഷം ആദ്യമാണ് പാകിസ്ഥാന് ദേശീയ അസംബ്ലിയില് ഈ സ്കോളര്ഷിപ്പ് പദ്ധതി പ്രഖ്യാപിച്ചത്. വിഘടനവാദ സംഘടനയായ ഹൂറിയത്ത് കോണ്ഫറന്സ്,ഹിസ്ബുള് മുജാഹിദ്ദീന് തലവന് സയ്യിദ് സലാഹുദ്ദീന്റെ നേതൃത്വത്തില് ഉള്ള തീവ്രവാദ സംഘടനകളുടെ
കൂട്ടായ്മ യുണൈറ്റഡ് ജിഹാദ് കൌണ്സില് എന്നീ സംഘടനകളുടെ ശുപാര്ശക്കത്താണ് സ്കോളര്ഷിപ്പ് അപേക്ഷകര് നല്കേണ്ടത്.
അതേസമയം പാകിസ്ഥാനിലെ ഭൂരിഭാഗം കോഴ്സുകള്ക്കും ഇന്ത്യ അംഗീകാരം നല്കിയിട്ടില്ല,
എന്തായാലും പാകിസ്ഥാന് നീക്കത്തെ ഇന്ത്യ കരുതലോടെയാണ് കാണുന്നത്.കശ്മീരി യുവാക്കളെ തീവ്രവാദികള് ആക്കുന്നതിനാണ് പാകിസ്ഥാന് പദ്ധതി എന്ന് തിരിച്ചറിഞ്ഞ ഇന്ത്യന് സുരക്ഷാ ഏജന്സികള് പാക്കിസ്ഥാന്റെ ഓരോ നീക്കവും സസൂക്ഷ്മം നിരീക്ഷിക്കുകയാണ്.
കാശ്മീരി യുവാക്കളെ തങ്ങളുടെ ഭാഗത്ത് എത്തിക്കാനുള്ള പാകിസ്ഥാന്റെ ഗൂഢ ശ്രമത്തിന്റെ ഭാഗമാണിത്. മുന്പും പാകിസ്ഥാന്, കാശ്മീരി യുവാക്കളെ ലക്ഷ്യമിട്ട് ധന സഹായം പ്രഖ്യാപിച്ചിരുന്നെങ്കിലും അതെല്ലാം വളരെ ചെറിയ അളവിലായിരുന്നു. സാധാരണ പഠനത്തിനായി പാകിസ്ഥാനിലേക്ക് പോകുന്ന ഇത്തരം യുവാക്കള് കൊടും കുറ്റവാളികളായാണ് തിരികെയെത്താറെന്ന് ജമ്മുകാശ്മീര് പൊലീസ് ഉദ്യോഗസ്ഥര് പറയുന്നു.
പാകിസ്ഥാന് അധിനിവേശ പ്രദേശങ്ങളില് നൂറ്റി അന്പതോളം കുട്ടികള് മെഡിക്കല്, എഞ്ചിനീയറിങ് പഠനത്തിന് എന്റോള് ചെയ്തിട്ടുണ്ട്. ഹുറിയത്ത്, ഹിസ്ബുള് മുജാഹിദ്ദീന്റെ ജിഹാദ് കൗണ്സില് പോലെയുള്ള വിഘടനവാദ, തീവ്രവാദ ഗ്രൂപ്പുകളിലെ നേതാക്കന്മാരുടെ ശുപാര്ശയിലാണ് ഇവര്ക്ക് പഠനത്തിനുള്ള സീറ്ര് ലഭിക്കുക. പാകിസ്ഥാനിലേക്ക് പഠന വിസ ലഭിക്കുന്നവരില് മുന് തീവ്രവാദി നേതാക്കളുടെ കുടുംബാംഗങ്ങളോ നിലവിലെ അംഗങ്ങളുടെ മക്കളോ ഒക്കെ ആകാറുണ്ടെന്ന് ദേശീയാന്വേഷണ സമിതി കണ്ടെത്തിയിട്ടുണ്ട്. പാകിസ്ഥാനിലെ പല ബിരുദങ്ങള്ക്കും ഇന്ത്യയില് അംഗീകാരമില്ലാത്തവയുമാണ്.
"
https://www.facebook.com/Malayalivartha
