നിസ്സാരമായ സാമ്പത്തിക കുറ്റങ്ങള്‍ക്ക് ജയില്‍ശിക്ഷ ഒഴിവാക്കുന്നത് ബിസിനസ് നടത്തിപ്പ് എളുപ്പമാക്കാനും ക്രിമിനല്‍ നിയമത്തിന്റെ നൂലാമാലകള്‍ കുറയ്ക്കാനും സാധിക്കും. ഇത് നിക്ഷേപകരില്‍ ആത്മവിശ്വാസം വര്‍ധിപ്പിക്കും. അതുവഴി നിക്ഷേപം കൂടും. ഈ ഒരു ലക്ഷ്യം വച്ച് കൊണ്ട് വണ്ടിച്ചെക്ക് നല്‍കുന്നത് ഉള്‍പ്പെടെ ഒട്ടേറെ സാമ്പത്തിക കുറ്റങ്ങള്‍ക്ക് തടവുശിക്ഷ ഒഴിവാക്കാന്‍ കേന്ദ്ര സര്‍ക്കാര്‍ നീക്കം. ഇന്‍ഷുറന്‍സ്, ബാങ്കിങ്, സര്‍ഫാസി തുടങ്ങിയ 19 നിയമങ്ങള്‍ക്കുകീഴിലെ 39 വകുപ്പുകള്‍ ക്രിമിനല്‍ക്കുറ്റമല്ലാതാക്കാന്‍ കേന്ദ്ര ധനമന്ത്രാലയം നിര്‍ദേശങ്ങളും അഭിപ്രായങ്ങളും ക്ഷണിച്ചു. ജൂണ്‍ 23-നകം നിര്‍ദേശങ്ങള്‍ അറിയിക്കണം.

എന്നാല്‍ അതേ സമയം രാജ്യത്താകെ 35 ലക്ഷം ചെക്കുകേസ് കെട്ടിക്കിടക്കുന്നുണ്ടെന്നാണ് കണക്ക്. ജില്ലാ കോടതികളിലെ ആകെ ക്രിമിനല്‍ക്കേസുകളില്‍ 15 ശതമാനവും ചെക്കുമായി ബന്ധപ്പെട്ടതാണ്. അതില്‍ 18 ലക്ഷത്തോളം കേസുകള്‍ വൈകുന്നത് പ്രതികള്‍ ഹാജരാവാത്തതിനാലാണ്. ഈ സാഹചര്യത്തില്‍ ചെക്കുകേസുകള്‍ കഴിവതും കോടതിയിലെത്തുംമുമ്പ് ഒത്തുതീര്‍പ്പാക്കാന്‍ സംവിധാനം വേണമെന്ന് സുപ്രീംകോടതി മാര്‍ച്ചില്‍ നിര്‍ദേശിച്ചിരുന്നു.

ചെറിയ തുകയാണെങ്കില്‍ ക്രിമിനല്‍ക്കുറ്റമല്ലാതാക്കുന്നത് ആലോചിക്കണമെന്നും സുപ്രീംകോടതി അഭിപ്രായപ്പെട്ടു. വണ്ടിച്ചെക്ക് കേസുകള്‍ വേഗം തീര്‍പ്പാക്കുന്ന വിഷയത്തില്‍ സ്വമേധയാ കേസെടുത്ത സുപ്രീംകോടതി, അമിക്കസ് ക്യൂറിയെയും നിയോഗിച്ചു.

ചെക്കുകേസുകള്‍ സിവില്‍ കുറ്റം മാത്രമാണെന്ന് സുപ്രീംകോടതി മുമ്പ് നിരീക്ഷിച്ചിട്ടുണ്ട്. സാമ്പത്തിക കുറ്റകൃത്യങ്ങളും അവയുടെ തുകയും കൂടിവരുന്നത് കണക്കിലെടുത്ത് 1988-ലാണ് ചെക്കുകേസുകള്‍ ക്രിമിനല്‍ക്കുറ്റമായത്. ജയില്‍ശിക്ഷ ഇല്ലാതാക്കാന്‍ ഉദ്ദേശിക്കുന്ന പ്രധാന നിയമലംഘനങ്ങളും ഇപ്പോഴത്തെ ശിക്ഷയും

വണ്ടിച്ചെക്ക്
നെഗോഷ്യബിള്‍ ഇന്‍സ്ട്രുമെന്റ്സ് നിയമത്തിലെ 138-ാം വകുപ്പ് ശിക്ഷ: രണ്ടുവര്‍ഷംവരെ തടവും ചെക്കിലെ തുകയുടെ രണ്ടു മടങ്ങുവരെ പിഴയും

അനിയന്ത്രിത നിക്ഷേപ പദ്ധതി നിരോധന നിയമത്തിലെ 21-ാം വകുപ്പ് അതില്‍ പത്തുവര്‍ഷംവരെ തടവും ആകെ നിക്ഷേപത്തിന്റെ രണ്ടുമടങ്ങുവരെ പിഴയും ആണ് പറഞ്ഞിട്ടുള്ളത് .
സര്‍ഫാസി നിയമം ആണ് അടുത്തത് 2002-ലെ സര്‍ഫാസി നിയമത്തിലെ 29-ാം വകുപ്പ് ലംഘിച്ചാല്‍
ഒരുവര്‍ഷംവരെ തടവും പിഴയും ഉണ്ടായിരുന്നു നമ്മുടെ രാജ്യത്ത് . വ്യാജപരസ്യം നല്‍കി നിക്ഷേപം സ്വീകരിച്ചാല്‍ അത് റിസര്‍വ് ബാങ്ക് നിയമത്തിലെ 58 ബി (1)ലംഘനം ആയി കാമനക്കായിരുന്നു അതിന് മൂന്നുവര്‍ഷംവരെ തടവും പിഴയും നല്കുകയും ചെയ്തു. രജിസ്റ്റര്‍ചെയ്യാത്ത ബാങ്കിതര ധനകാര്യസ്ഥാപനങ്ങള്‍ റിസര്‍വ് ബാങ്ക് നിയമത്തിലെ 58 ബി (4എ) ലംഘനം ആണ് അഞ്ചുവര്‍ഷംവരെ തടവും 25 ലക്ഷം രൂപവരെ പിഴയും

നിയമവിരുദ്ധമായി നിക്ഷേപം സ്വീകരിക്കല്‍ റിസര്‍വ് ബാങ്ക് നിയമത്തിലെ 58 ബി (5), 58 ബി (5എ) ലംഘനം)
മൂന്നുവര്‍ഷംവരെ തടവും പിഴയും ഓഡിറ്റ് നടത്താത്ത ഇന്‍ഷുറന്‍സ് കമ്പനികള്‍
ഇന്‍ഷുറന്‍സ് നിയമത്തിലെ 12-ാം വകുപ്പ്, കമ്പനി നിയമത്തിലെ 147-ാം വകുപ്പ്)
ഒരുവര്‍ഷംവരെ തടവും അഞ്ചുലക്ഷം രൂപവരെ പിഴയും.രജിസ്റ്റര്‍ചെയ്യാത്ത ഇന്‍ഷുറന്‍സ്
ഇന്‍ഷുറന്‍സ് നിയമത്തിലെ 103-ാം വകുപ്പുപ്രകാരം രജിസ്റ്റര്‍ ചെയ്യാതെ ഇന്‍ഷുറന്‍സ് നടത്തിപ്പ്.
ശിക്ഷ: പത്തുവര്‍ഷംവരെ തടവും 25 കോടി രൂപവരെ പിഴയും.