കൊറോണ വൈറസിന് ജാതി വെറി ഇല്ലായെന്ന് അത് മനുഷ്യനെ കിഴ്‌പെടുത്തുമെന്നു ഇനിയും പറഞ്ഞാല്‍ ചിലപ്പോള്‍ മലയാളികള്‍ കേറി മേയും കാരണം വിദ്യാഭ്യാസവവും തെല്ലു വിവരവുമുള്ളവരാണ് എന്ന് പറഞ്ഞു നടക്കുന്നവരാണ് നമ്മള്‍. രാജ്യത്ത് തബ്ലീഗ് വിഷയം കൊറോണ എന്ന മഹാമാരിയെ ഇവിടെ പടരാന്‍ ഏതൊക്കെ രീതിയില്‍ സഹായിച്ചുവെന്ന് നമുക്കറിയാം . അതിനു ശേഷം നിരവധി വ്യാജ വൈദ്യന്മാരും മരുന്നുകളും ഒട്ടനവധി പാസ്റ്റര്‍മാരുമെല്ലാം രംഗത്തെത്തിയിരുന്നു, എന്നാല്‍ ഇത് പോലൊരു ഉള്ള ഇസ്ലാമിക പുരോഹിതനെ മുമ്പ് കണ്ടിട്ടിട്ടില്ല .

കൊറോണയെ പ്രതിരോധിക്കാന്‍ അത്ഭുത പ്രവര്‍ത്തിയിലൂടെ സാധിക്കുമെന്ന് പ്രചരിപ്പിച്ച ഇസ്ലാമിക പുരോഹിതന്‍ വൈറസ് ബാധിച്ച് മരിച്ചു. അസ്ലം എന്നയാളാണ് രോഗബാധയെ തുടര്‍ന്ന് മരിച്ചത്. കൈയ്യില്‍ മുത്തമിട്ടാല്‍ അതിന്റെ ശക്തിയില്‍ രോഗം ഭേദമാകുമെന്ന് ഇയാള്‍ പ്രചരിപ്പിച്ചിരുന്നു. മധ്യപ്രദേശിലെ നയപുര ജില്ലയിലെ രത്ലമിലാണ് സംഭവം.

അസ്ലമിന്റെ മരണത്തിനു പിന്നാലെ നിരവധി വാര്‍ത്തകളാണ് പുറത്തുവന്നത്. തുടര്‍ന്ന് നടത്തിയ അന്വേഷണത്തില്‍ ഇയാളുമായി നിരവധിയാളുകള്‍ സമ്പര്‍ക്കത്തില്‍ വന്നതായാണ് കണ്ടെത്തിയത്. സമ്പര്‍ക്കത്തില്‍ വന്ന ഏതാനും ചിലരെ കണ്ടെത്തി നടത്തിയ പരിശോധനയില്‍ 19 പേര്‍ക്ക് രോഗം പിടിപെട്ടതായി കണ്ടെത്തി. ഒരാളില്‍ നിന്നു തന്നെ 20ഓളം പേര്‍ക്ക് സമ്പര്‍ക്കത്തിലൂടെ രോഗം പിടിപെട്ടതോടെ നയപുര ഹോട്ട്സ്പോട്ടായി പ്രഖ്യാപിച്ചു. അസ്ലമിനു സമാനമായി 'അത്ഭുത' പ്രവര്‍ത്തിയിലൂടെ രോഗം ഭേദമാക്കുമെന്ന് പ്രചരിപ്പിച്ച 29 പേരെ കണ്ടെത്തി നിരീക്ഷണത്തില്‍ പ്രവേശിപ്പിച്ചിട്ടുണ്ട്.

ജൂണ്‍ 4നാണ് അസ്ലം വൈറസ് ബാധിച്ച് മരിച്ചത്. ജൂണ്‍ 9 വരെയുള്ള കണക്കുകള്‍ പ്രകാരം രത്ലമില്‍ 24 പേര്‍ക്ക് രോഗം സ്ഥിരീകരിച്ചിട്ടുണ്ട്. ഇതില്‍ 13 പേരും അസ്ലമുമായി നേരിട്ട് സമ്പര്‍ക്കം പുലര്‍ത്തിയവരാണ്. ജൂണ്‍ 7ന് രോഗം സ്ഥിരീകരിച്ച 6 പേരും ഇയാളുമായി സമ്പര്‍ക്കം പുലര്‍ത്തിയവരാണ്. ഇതോടെ ജില്ലയില്‍ ഇതുവരെ രോഗം സ്ഥിരീകരിച്ച 83 പേരില്‍ 19 പേരും അസ്ലമുമായി നേരിട്ട സമ്പര്‍ക്കത്തില്‍ വന്നതായാണ് കണ്ടെത്തിയിരിക്കുന്നത്.