കേക്ക് മുറിയ്ക്കാന് വാള് ! കൊറോണ വകവെക്കാതെ പൊതുസ്ഥലത്ത് ബി.ജെ.പി നേതാക്കളുടെ ജന്മദിനാഘോഷം
രാജ്യം കൊറോണ വൈറസിന്റെ പിടിയിലാണ്. കൊറോണ വൈറസ് അതിതീവ്രമായി തുടരുന്ന സംസ്ഥാനമാണ് ഗുജറാത്ത്. കർശന നിയന്ത്രങ്ങൾ സർക്കാർ കൊണ്ടുവന്നിട്ടും ജനങ്ങള് കര്ശന ജാഗ്രത പാലിക്കണമെന്ന മുന്നറിയിപ്പ് നൽകിയിട്ടും അതൊന്നും ശ്രദ്ധിക്കാതെ സ്വന്തം രീതിക്ക് പ്രവർത്തിക്കുകയാണ് ചിലർ. നിയന്ത്രണങ്ങള്ക്കൊന്നും യാതൊരു വിലയും നല്കാതെ റോഡില് മദ്യം വിതറി ജന്മദിനാഘോഷം സംഘടിപ്പിച്ചിരിക്കുകയാണ് ബി.ജെ.പി പ്രവര്ത്തകര്. ജന്മദിനാഘോഷത്തിന്റെ വീഡിയോ സോഷ്യല് മീഡിയയില് വൈറലായിരിക്കുകയാണ്.
ഗുജറാത്തിലെ മഹിസാഗര് ജില്ലയിലാണ് സംഭവം. ജില്ലയിലെ ബി.ജെ.പി പാര്ട്ടി കണ്വീനര് ആയ കവാന് പട്ടേലിന്റെ ജന്മദിനമാണ് ലോക്ക്ഡൗണ് നിയന്ത്രണങ്ങളൊക്കെ കാറ്റില് പറത്തി പാര്ട്ടി പ്രവര്ത്തകരും സുഹൃത്തുക്കളും ചേര്ന്ന് ആഘോഷമാക്കിയത്.
പൊതുനിരത്തിൽ യാതൊരു രീതിയിലെ മുൻകരുതലുകളും ഇല്ലാതെയാണ് ആഘോഷം. സാമൂഹ്യ അകലമോ മാസ്കോ ഇല്ലാതെയായിരുന്നു ആഘോഷം. ജന്മദിനാഘോഷത്തിന് കേക്ക് മുറിക്കാന് ഉപയോഗിച്ചതാകട്ടെ വാളും. ഒരു കാറിനു മുകളിലായിരുന്നു കേക്ക്. കേക്ക് മുറിക്കുന്നതിനിടെ ബി.ജെ.പി നേതാവിന്റെ ഒപ്പമുണ്ടായിരുന്നവര് മദ്യകുപ്പികള് തുറന്ന് മദ്യം പരസ്പരം മദ്യം ദേഹത്തേക്ക് ഒഴിക്കുന്നതും കാണാം. ഇതൊക്കെ നടക്കുമ്ബോള് കാഴ്ച കാണാന് നിരവധി പേര് ചുറ്റും കൂടിയിരുന്നു. ബി.ജെ.പി മഹിസാഗര് ജില്ലാ അദ്ധ്യക്ഷനായ യോഗേന്ദ്ര മെഹ്റയും ആഘോഷത്തില് പങ്കെടുത്തവരില് ഉള്പ്പെടുന്നു.
വരള്ച്ച ബാധിത സംസ്ഥാനമായിട്ട് പോലും ബി.ജെ.പി നേതാക്കള് റോഡില് പരസ്പരം മദ്യം വിതറി പാര്ട്ടി നടത്തിയ സംഭവത്തില് കോണഗ്രസ് നേതാക്കള് ഉള്പ്പെടെയുള്ളവര് ശക്തമായ വിമര്ശനവുമായി രംഗത്തെത്തിയിട്ടുണ്ട്. വൈറസ് വ്യാപന നിയമങ്ങള് ലംഘിച്ച ഇവര്ക്കെതിരെ കര്ശന നടപടി സ്വീകരിക്കണമെന്ന ശക്തമായ ആവശ്യം ഉയരുകയാണ്. സംഭവത്തില് ഏഴ് പേരെ പൊലീസ് അറസ്റ്റ് ചെയ്തു.
https://www.facebook.com/Malayalivartha