കോവിഡും അതിര്ത്തി സംഘര്ഷവും; കേന്ദ്ര സര്ക്കാരിനെതിരെ പ്രതിഷേധം ശക്തമാക്കാന് കോണ്ഗ്രസ്; പ്രതിഷേധം സോഷ്യല്മീഡിയയിലൂടെ
കോവിഡ് വ്യാപനം, അതിര്ത്തിസംഘര്ഷം എന്നീ വിഷയങ്ങളില് പ്രതിഷേധം കടുപ്പിക്കാന് കോണ്ഗ്രസ്. കേന്ദ്ര സര്ക്കാരിനെതിരെ സമൂഹമാധ്യമങ്ങളിലുള്പ്പെടെ രംഗത്തിറങ്ങാനാണ് കോണ്ഗ്രസ് എംപിമാര്ക്കു പാര്ട്ടി അധ്യക്ഷ സോണിയ ഗാന്ധിയുടെ നല്കിയ നിര്ദേശം. ലോക്സഭയിലെ പാര്ട്ടി എംപിമാരുമായി വിഡിയോ വഴി നടത്തിയ 3 മണിക്കൂര് കൂടിക്കാഴ്ചയില് ദേശീയതലത്തില് കോണ്ഗ്രസിന്റെ പ്രവര്ത്തനം സോണിയ വിലയിരുത്തി. കോവിഡ് പ്രതിരോധം, അതിര്ത്തിത്തര്ക്കം എന്നിവയില് കേന്ദ്രം പരാജയപ്പെട്ടെന്നു സോണിയയും രാഹുലും ചൂണ്ടിക്കാട്ടി.
ഇതിന് പിന്നിലെ ജൂണ് 15ന് ഗാല്വന് താഴ് വരയിലുണ്ടായ ഇന്ത്യചൈന സംഘര്ഷത്തില് കേന്ദ്രത്തിനെതിരെ വീണ്ടും വിമര്ശനമുന്നയിച്ച് രാഹുല് ഗാന്ധി രംഗത്ത് എത്തുകയും ചെയ്തു. 'മോദിജിയുടെ ഭരണകാലത്ത് ഭാരതമാതാവിന്റെ പുണ്യഭൂമി ചൈന കയ്യേറാന് മാത്രം എന്താണ് സംഭവിച്ചത്?' എന്നായിരുന്നു രാഹുലിന്റെ ട്വീറ്റ്. ഇന്ത്യചൈന അതിര്ത്തി സംഘര്ഷവുമായി ബന്ധപ്പെട്ട് ഒരു ഓണ്ലൈന് മാധ്യമത്തില് പ്രസിദ്ധീകരിച്ച ലേഖനം പങ്കുവെച്ചുകൊണ്ടാണ് രാഹുലിന്റെ ചോദ്യം. ജൂണ് 15നുണ്ടായ ഏറ്റുമുട്ടലില് 20 ഇന്ത്യന് സൈനികര് വീരമൃത്യു വരിച്ചിരുന്നു. തുടര്ന്ന് കമാന്ഡര് തലത്തിലും പ്രത്യേക പ്രതിനിധി തലത്തിലും പലഘട്ടങ്ങളിലായി നടന്ന ചര്ച്ചകള്ക്കൊടുവിലാണ് സേനാപിന്മാറ്റത്തിന് ചൈന തയ്യാറായത്. അതിര്ത്തി സംഘര്ഷത്തിന്റെ പശ്ചാത്തലത്തില് കേന്ദ്രത്തിനെതിരെ തുടര്ച്ചയായി രാഹുല്ഗാന്ധി ആരോപണങ്ങള് ഉന്നിയിച്ചിരുന്നു.
https://www.facebook.com/Malayalivartha