രാജസ്ഥാനിൽ അഞ്ചു വയസുകാരിയെ ബലാത്സംഗത്തിനിരയാക്കിയതായി പരാതി. ബാരൻ ജില്ലയിലെ ഷഹബാദിലാണ് സംഭവം. കേസിലെ പ്രതിയായ മഹാവീറിനെ പൊലീസ് അറസ്റ്റ് ചെയ്തു. മദ്യപാനിയായ പ്രതി സ്കൂൾ വളപ്പിൽ വെച്ചാണ് കുട്ടിയെ പീഡിപ്പിച്ചത്.

ഇതിനു പിന്നാലെ പീഡനം വിവരം മാതാവിനെയാണ് കുട്ടി അറിയിച്ചത്. തുടർന്ന് ആശുപത്രിയിൽ പ്രവേശിക്കപ്പെട്ട പെൺകുട്ടിയുടെ നില ഗുരുതരമാണ്. പ്രതിക്കെതിരെ കേസ് രജിസ്റ്റർ ചെയ്തെന്നും അന്വേഷണം പുരോഗമിക്കുകയാണെന്നും പൊലീസ് ഓഫീസർ ഹരി പ്രസാദ് റാണ മാധ്യമങ്ങളെ അറിയിച്ചു.