അതീവ സുരക്ഷാ ക്രമീകരണങ്ങളുള്ള ഇന്ത്യ ഗേറ്റിനു സമീപമുള്ള ഫൈസ്റ്റാര്‍ ഹോട്ടലില്‍വച്ച് ടൂറിസ്റ്റ് ഗൈഡിനെ സംഘം ചേര്‍ന്ന് ബലാത്സംഗം ചെയ്തതായി പരാതി.

സെപ്റ്റംബര്‍ 18-ന് നടന്ന സംഭവത്തെ കുറിച്ച് പിറ്റേ ദിവസമാണ് യുവതി പരാതി നല്‍കിയതെന്ന് പൊലീസ് അറിയിച്ചു. രണ്ടു കച്ചവടക്കാരാണ് സംഭവം നടന്ന ഹോട്ടല്‍ മുറി ബുക്ക് ചെയ്തിരിക്കുന്നത്.

ഡല്‍ഹി ഷേക്ക് സരായി നിവാസിയായ മനോജ് ശര്‍മ എന്ന പ്രധാന പ്രതിയെ അറസ്റ്റു ചെയ്‌തെന്ന് പൊലീസ് അറിയിച്ചു. ഒരു സ്ത്രീയടക്കം ആറു പേര്‍ സംഘത്തിലുണ്ടെന്നും ബാക്കിയുള്ളവര്‍ക്കു വേണ്ടിയുള്ള തിരച്ചില്‍ തുടരുകയാണെന്നും പോലീസ് പറഞ്ഞു.

ടൂറിസ്റ്റ് ഗൈഡും ടിക്കറ്റ് ബുക്കിങ് എക്‌സിക്യൂട്ടീവുമായ യുവതിയ്ക്ക് പണത്തിന് ആവശ്യമുണ്ടായിരുന്നതിനാല്‍ ചെറിയ നിരക്കില്‍ ലോണ്‍ നല്‍കാമെന്ന് പറഞ്ഞാണ് ഹോട്ടല്‍ മുറിയിലേക്ക് വിളിച്ചുവരുത്തിയത്.