രാ​ജീ​വ് ​ഗാ​ന്ധി വ​ധ​ക്കേ​സു​മാ​യി ബ​ന്ധ​പ്പെ​ട്ട്​ 30 വ​ര്‍​ഷ​ത്തോളമായി ജീ​വ​പ​ര്യ​ന്തം ത​ട​വില്‍ ക​ഴി​യു​ന്ന പേ​ര​റി​വാ​ള​ന്​ 30 ദിവസത്തേക്ക്​ പരോള്‍ (സാധാരണ അവധി) അനുവദിച്ച്‌​ തമിഴ്​നാട്​ സര്‍ക്കാര്‍. പേരറിവാള​െന്‍റ മാതാവ് അര്‍പുതമ്മാളിന്റെ അപേക്ഷ പരിഗണിച്ചാണ്​ മുഖ്യമന്ത്രി എം.കെ സ്റ്റാലിന്‍ തമിഴ്‌നാട് ജയില്‍ മാന്വല്‍ വ്യവസ്ഥ പ്രകാരം​ 30 ദിവസത്തേക്ക് സാധാരണ അവധിക്ക് പോകാന്‍ അനുവദിച്ച്‌​ ഉത്തരവിറക്കിയത്​.

ജയിലില്‍ കോവിഡ്​ കേസുകള്‍ വര്‍ധിക്കുന്ന സാഹചര്യത്തില്‍ ആരോഗ്യ പ്രശ്​നങ്ങളുള്ള മകന്റെ ജീവന്​ ആപത്തുണ്ടായേക്കുമെന്ന്​​ ചൂണ്ടിക്കാട്ടി ദിവസങ്ങള്‍ക്ക്​ മുമ്ബാണ്​ പേരറിവാള​െന്‍റ മാതാവ്​ അടിയന്തര​ പരോള്‍ ആവശ്യപ്പെട്ട്​ മുഖ്യമന്ത്രിക്ക് അപേക്ഷ നല്‍കിയത്​​. ഒൗപചാരികതകള്‍ പൂര്‍ത്തിയാക്കിയ ശേഷം പുഴല്‍ സെന്‍ട്രല്‍ ജയിലില്‍ നിന്നും പരോളില്‍ പോകാന്‍ പേരറിവാളനെ ഇതോടെ അനുവദിച്ചേക്കും.

രാജീവ് ഗാന്ധി വധക്കേസില്‍ 1991 ജൂണിലായിരുന്നു പേരറിവാളനെന്ന അറിവ്​ അറസ്റ്റിലാവുന്നത്​. അന്ന്​ അദ്ദേഹത്തിന്​ 19 വയസായിരുന്നു. എല്‍ടിടിഇ പ്രവര്‍ത്തകനും ഗൂഢാലോചനയുടെ സൂത്രധാരനുമായ പേരറിവാളന്‍ രണ്ട്​ ബാറ്ററികള്‍ വാങ്ങിയതായും അതാണ്​​ രാജീവ്​ ഗാന്ധിയെ കൊലപ്പെടുത്തിയെ ബോംബില്‍ ഉപയോഗിച്ചതെന്നും ആരോപിച്ചായിരുന്നു അറസ്റ്റ്​. വധശിക്ഷയായിരുന്നു അദ്ദേഹത്തിന്​ ആദ്യം കോടതി വിധിച്ചത്​. എന്നാല്‍ 2014ല്‍ പേരറിവാള​ന്‍, മുരുകന്‍, സന്തന്‍ എന്നിവരുടെ വധശിക്ഷ സുപ്രീം കോടതി ജീവപര്യന്തം തടവായി കുറക്കുകയായിരുന്നു.