കഴിഞ്ഞ ദിവസമായിരുന്നു കേരളത്തെ അതിശയിപ്പിച്ച് വന്ദേ ഭാരത് എക്‌സ്പ്രസുകള്‍ വന്നത്. ശരിക്കും നിരവധി നേട്ടങ്ങൾ ഉണ്ട് വന്ദേ ഭാരത് എക്സ്പ്രസിന്. ഞാൻ സന്തോഷവാർത്തയ്ക്ക് പിന്നാലെ ഇപ്പോൾ ഇതാ മറ്റൊരു നിർണായക വിവരം കൂടെ പുറത്തുവരികയാണ്.പുതിയ മെട്രോ ട്രെയിന്‍ പദ്ധതിക്കായി കേന്ദ്ര റെയില്‍വേ മന്ത്രാലയം തയ്യാറെടുക്കുകയാണ്. ഈ വര്‍ഷം ഡിസംബറില്‍, രാജ്യത്തെ പ്രധാന നഗരങ്ങളെ ബന്ധിപ്പിക്കുന്ന മെട്രോ ശൃംഖല വന്ദേ മെട്രോ ഓടി തുടങ്ങുമെന്ന് കേന്ദ്ര റെയില്‍വേ മന്ത്രി അശ്വിനി വൈഷ്ണവ് പറഞ്ഞു.വന്ദേ മെട്രോ വികസിപ്പിക്കാൻ പ്രധാനമന്ത്രി നരേന്ദ്ര മോദി റെയിൽവേ മന്ത്രാലയത്തോട് ആവശ്യപ്പെട്ടിരുന്നു എന്നും മന്ത്രി ചൂണ്ടിക്കാണിച്ചു.

100 കിലോമീറ്ററിൽ താഴെ ദൂരമുള്ള നഗരങ്ങൾക്കിടയിൽ വന്ദേ മെട്രോ പ്രവർത്തിക്കും. ജനങ്ങൾക്ക് താങ്ങാനാകുന്നതായിരിക്കും അതിന്റെ ചെലവൊന്നും റെയിൽവേ മന്ത്രി അശ്വിനി വൈഷ്ണവ് വ്യക്തമാക്കി . വന്ദേ ഭാരത് ട്രെയിനുകളിൽ നിന്ന് വ്യത്യസ്തമായിരിക്കും വന്ദേ മെട്രോ .

ദിവസത്തിൽ നാലോ അഞ്ചോ തവണ യാത്ര ചെയ്യാനാകും. 100 കിലോമീറ്ററിൽ താഴെ ദൂരമുള്ള നഗരങ്ങൾക്കിടയിൽ ഇതിന് പോകാൻ സാധിക്കുമെന്നതും ശ്രദ്ധേമായ നേട്ടമാണ്. അവ സുഖകരവും സാധാരണക്കാർക്ക് താങ്ങാനാവുന്നതുമാണെന്നും കേന്ദ്ര റെയിൽവേ മന്ത്രി പറഞ്ഞു .പുതിയ മെട്രോ ട്രെയിനുകള്‍ ഓടിത്തുടങ്ങുന്നതോടെ ലോക്കല്‍ ട്രെയിനുകളിലെ തിരക്ക് നിയന്ത്രിക്കാനാകുമെന്ന പ്രതീക്ഷ കേന്ദ്ര റെയിൽവേ മന്ത്രി പ്രകടിപ്പിച്ചു.വിദ്യാര്‍ഥികളുള്‍പ്പടെയുള്ളവര്‍ക്ക് യാത്രാ സമയം ഇതിലൂടെ കുറയ്ക്കാനാകുമെന്നും അശ്വിനി വൈഷ്ണവ് പറഞ്ഞു .

വന്ദേ ഭാരത് ട്രെയിനുകള്‍ക്ക് കിട്ടിയത് മികച്ച സ്വീകാര്യതയാണ്. ആ സ്വീകാര്യത പുതിയ മെട്രോ സര്‍വീസ് സബ്സ്ക്രിപ്ഷനുകൾക്ക് പ്രചോദനമാകുന്നുവെന്നും മന്ത്രി പറഞ്ഞു . യൂറോപ്പിലെ ട്രെയിനുകള്‍ക്ക് സമാനമായ പുതിയ പദ്ധതിയിലൂടെ അന്താരാഷ്‌ട്ര നിലവാരത്തിലുള്ള യാത്ര ഇന്ത്യന്‍ യാത്രക്കാര്‍ക്ക് ഉറപ്പുവരുത്തുകയാണ് റെയില്‍വേ മന്ത്രാലയത്തിന്റെ ലക്ഷ്യമെന്നും മന്ത്രി വ്യക്തമാക്കി . ട്രെയിനിൽ എട്ടു കോച്ചുകളാകും. ചെന്നൈയിലെ ഇന്റഗ്രല്‍ കോച്ച് ഫാക്ടറിയ്‌ക്കും ലക്‌നൗവിലെ റിസേര്‍ച്ച് ഡിസൈന്‍ ആന്‍ഡ് സ്റ്റാന്റേര്‍ഡ് ഓര്‍ഗനൈസേഷനും നിര്‍മ്മാണ ചുമതല നല്‍കിയെന്ന തരത്തിലുള്ള റിപ്പോർട്ടുകളും പുറത്തുവരുന്നുണ്ട്.

അതേസമയം വന്ദേഭാരത് ഉദ്ഘാടനത്തോടൊപ്പം കേരളം കാത്തിരിക്കുന്ന മറ്റു ട്രെയിനുകളും പ്രധാനമന്ത്രി 25നു പ്രഖ്യാപിക്കുമെന്ന് സൂചന കിട്ടുകയാണ്. എറണാകുളം, വേളാങ്കണ്ണി, കൊല്ലം-തിരുപ്പതി പുതിയ ട്രെയിനുകളും തിരുവനന്തപുരം-മധുര അമൃത എക്സ്‌പ്രസ് രാമേശ്വരത്തേക്കും ഗുരുവായൂർ-പുനലൂർ എക്സ്‌പ്രസ് മധുരയിലേക്കും പാലക്കാട്തിരുനെൽവേലി പാലരുവി എക്സ്‌പ്രസ് തൂത്തുക്കുടിയിലേക്കും നീട്ടാനുള്ള ശുപാർശകളും റെയിൽവേ ബോർഡ് നേരത്തേ അംഗീകരിച്ചതായിരുന്നു.