മഅദനിയ്ക്ക് കേരളത്തിലേയ്ക്ക് പോകാന് സുപ്രീം കോടതി അനുമതി...
ബംഗളൂരു സ്ഫോടനക്കേസിലെ പ്രതിയായ പി ഡി പി ചെയര്മാന് അബ്ദുള് നാസര് മഅദനിയ്ക്ക് കേരളത്തിലേയ്ക്ക് പോകാന് സുപ്രീം കോടതി അനുമതി നല്കി. ജൂലായ് 10വരെ കേരളത്തില് നില്ക്കാം. അതേസമയം കര്ണാടക പൊലീസിന്റെ സുരക്ഷയിലാകണം കേരളത്തിലേയ്ക്ക് പോകേണ്ടത്.
സുരക്ഷാ ചെലവ് മഅദനി തന്നെ വഹിക്കണമെന്നും കോടതി നിര്ദേശിച്ചു.എന്നാല് മഅദനിയെ കേരളത്തിലേയ്ക്ക് പോകാന് അനുവദിക്കരുതെന്നായിരുന്നു കര്ണാടകയുടെ ആവശ്യം. ഇത് കോടതി അംഗീകരിച്ചില്ല. ജാമ്യ വ്യവസ്ഥയില് ഇളവ് ആവശ്യപ്പെട്ട് മഅദനി നല്കിയ ഹര്ജി ഇനി സുപ്രീംകോടതി ജൂലായ് പത്തിന് പരിഗണിക്കും.
കേസിന്റെ വിസ്താരം പൂര്ത്തിയായ സാഹചര്യത്തില് കേരളത്തിലേയ്ക്ക് പോകാന് അനുവദിക്കണമെന്ന് ആവശ്യപ്പെട്ട് മഅദനി സുപ്രീം കോടതിയെ സമീപിച്ചിരുന്നു. ആരോഗ്യം മോശം ആകുകയാണെന്നും അതിനാല് ചികിത്സയ്ക്ക് കേരളത്തിലേയ്ക്ക് പോകാന് അനുവദിക്കണമെന്നും ഇയാളുടെ അഭിഭാഷകര് കോടതിയില് ആവശ്യപ്പെട്ടു.
കേരളത്തിലുള്ളപ്പോള് വിചാരണ കോടതി ആവശ്യപ്പെട്ടാല് ബംഗളൂരുവിലേയ്ക്ക് മടങ്ങാമെന്നും മഅദനിയ്ക്ക് വേണ്ടി ഹാജരായ സീനിയര് അഭിഭാഷകന് കപില് സിബലും അഭിഭാഷകന് ഹാരിസ് ബീരാനും സുപ്രീംകോടതിയെ അറിയിച്ചിരുന്നു.
https://www.facebook.com/Malayalivartha
