മുഖ്യമന്ത്രി യോഗി ആദിത്യനാഥിന് നേരെ വധഭീഷണിയുമായി യുവാവ്... യോഗി ആദിത്യനാഥിനെ വെടിവച്ച് കൊല്ലുമെന്നാണ് ഭീഷണി
ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന് നേരെ വധഭീഷണി മുഴക്കി യുവാവ്. ജാര്ഖണ്ഡ് സ്വദേശിയായ അമന് രാജ എന്നയാളാണ് ഫേസ്ബുക്കിലൂടെ വധഭീഷണി മുഴക്കിയത്. സംഭവത്തില് യുവാവിനെതിരെ കേസെടുത്ത് പൊലീസ്. ഭാഗ്പതിലെ കോത്ത്വാളി പൊലീസാണ് അമന് രാജയ്ക്കെതിരെ കേസെടുത്തത്.
യോഗി ആദിത്യനാഥിനെ വെടിവച്ച് കൊല്ലുമെന്ന് പ്രതിജ്ഞയാണ് ഇയാള് ഫേസ്ബുക്കിലൂടെ പോസ്റ്റ് ചെയ്തത്. സംഭവത്തിന്റെ സ്ക്രീന്ഷോട്ട് യോഗിയ്ക്കും ഉത്തര്പ്രദേശ് ഡിജിപിയ്ക്കും ഉന്നത ഉദ്യോഗസ്ഥര്ക്കും ട്വിറ്ററില് ടാഗ് ചെയ്തതിനെത്തുടര്ന്നാണ് ശ്രദ്ധിക്കപ്പെട്ടത്.
സമാജ്വാദി പാര്ട്ടി നേതാവും മുന് എംപിയുമായ കൊടുംക്രിമിനല് അതിഖ് അഹമ്മദിന്റെയും സഹോദരന്റെയും കൊലപാതകങ്ങളെ തുടര്ന്ന് ഉത്തര്പ്രദേശില് പൊലീസ് നീതിനിര്വഹണം ചോദ്യംചെയ്യപ്പെട്ടിരുന്നു. ഇതിനിടെയാണ് മുഖ്യമന്ത്രിയ്ക്ക് തന്നെ വധഭീഷണി വന്നിരിക്കുന്നത്.
അതീഖിന്റെ കൊലപാതകത്തെക്കുറിച്ച് ജുഡിഷ്യല് കമ്മിഷന് അന്വേഷണം നടത്തും. മുന് അലഹബാദ് ഹൈക്കോടതി ജഡ്ജി അരവിന്ദ് കുമാര് ത്രിപാഠി, റിട്ട. ഐ.പി.എസ് ഉദ്യോഗസ്ഥന് സുബേഷ് കുമാര്, മുന് ജഡ്ജി ബ്രിജേഷ് കുമാര് സോണി എന്നിവരാണ് കമ്മിഷനില് ഉള്ളത്.
രണ്ടുമാസത്തിനകം റിപ്പോര്ട്ട് നല്കണം.കൊലപാതകത്തിന്റെ പശ്ചാത്തലത്തില് യു പിയില് നിരോധനാജ്ഞ പ്രഖ്യാപിച്ചിരിക്കുകയാണ്. പ്രയാഗ്രാജില് ഇന്റര്നെറ്റ് വിച്ഛേദിച്ചു. കാണ്പൂരിലും ജാഗ്രതാ മുന്നറിയിപ്പുണ്ട്. അതിഖിനൊപ്പമുണ്ടായിരുന്ന 17 പൊലീസുകാരെ സസ്പെന്ഡ് ചെയ്തു.
https://www.facebook.com/Malayalivartha
