ജാര്ഖണ്ഡില് വാഹനമിടിച്ച് മലയാളി സി.ഐ.എസ്.എഫ് ജവാന് മരിച്ചു.... മാര്ക്കറ്റില് പോയി മടങ്ങും വഴിയാണ് അപകടം, ജാര്ഖണ്ഡ് പൊലീസ് കേസെടുത്ത് അന്വേഷണം ആരംഭിച്ചു
ജാര്ഖണ്ഡില് വാഹനമിടിച്ച് മലയാളി സി.ഐ.എസ്.എഫ് ജവാന് മരിച്ചു. പേരൂര്ക്കട കുടപ്പനക്കുന്ന് അമ്പഴംകോട് (എന്.എന്.ആര്.എ 56എ) മയൂരത്തില് എം.അരവിന്ദാണ് (35, കണ്ണന്) തിങ്കളാഴ്ച രാത്രിയോടെ നടന്ന അപകടത്തില് മരണപ്പെട്ടത്.
ജാര്ഖണ്ഡ് പത്രാതു സി.ഐ.എസ്.എഫ് യൂണിറ്റിലെ ജവാനാണ്. അരവിന്ദിനൊപ്പമുണ്ടായിരുന്ന ഹരിയാന സ്വദേശിയായ ജവാന് ധര്മ്മപാലും മരിച്ചു. മാര്ക്കറ്റില് പോയി മടങ്ങും വഴി അമിതവേഗത്തിലെത്തിയ കാര് ഇരുവരെയും ഇടിക്കുകയായിരുന്നു. രക്തം വാര്ന്ന നിലയില് റോഡില് കിടന്ന ഇരുവരെയും അര മണിക്കൂറോളം കഴിഞ്ഞ് പൊലീസ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഇടിച്ച വാഹനത്തെ തിരിച്ചറിഞ്ഞിട്ടില്ലെന്ന് അധികൃതര് . ജാര്ഖണ്ഡ് പൊലീസ് കേസെടുത്ത് അന്വേഷണം ആരംഭിച്ചു. സംസ്കാരചടങ്ങുകള് ഔദ്യോഗിക ബഹുമതികളോടെ നാട്ടില് . ഹൗസിംഗ് ബോര്ഡില് നിന്നും വിരമിച്ച പരേതനായ മധുസൂദനനാണ് പിതാവ്. മാതാവ്: അനിതകുമാരി. ആനന്ദ് സഹോദരനാണ്. ഭാര്യ: ആതിര. ആരവ് മകനാണ്.
https://www.facebook.com/Malayalivartha
