ഗവര്ണര്മാര് ബിജെപി ഇതര സംസ്ഥാന സര്ക്കാരുകള്ക്കെതിരെ നടത്തി കൊണ്ടിരിക്കുന്ന പ്രവര്ത്തനങ്ങളെ സംയുക്തമായി എതിര്ക്കാന് തമിഴ്നാടും, കേരളവും തീരുമാനിച്ചിരിക്കുന്നു. സമാന ചിന്താഗതിക്കാരായ പശ്ചിമബംഗാള് ഉള്പ്പടെയുള്ള സംസ്ഥാനങ്ങളേയും കൂട്ടി സംയുക്ത പോരാട്ടത്തിനിറങ്ങുകയാണ് കേരളവും തമിഴ്നാടും
ഗവര്ണര്മാര് ബിജെപി ഇതര സംസ്ഥാന സര്ക്കാരുകള്ക്കെതിരെ നടത്തി കൊണ്ടിരിക്കുന്ന പ്രവര്ത്തനങ്ങളെ സംയുക്തമായി എതിര്ക്കാന് തമിഴ്നാടും, കേരളവും തീരുമാനിച്ചിരിക്കുന്നു. സമാന ചിന്താഗതിക്കാരായ പശ്ചിമബംഗാള് ഉള്പ്പടെയുള്ള സംസ്ഥാനങ്ങളേയും കൂട്ടി സംയുക്ത പോരാട്ടത്തിനിറങ്ങുകയാണ് കേരളവും തമിഴ്നാടും.
കേരളവും തമിഴ്നാടും ഗവര്ണര് വിഷയത്തില് ഒരുമിക്കുന്നുണ്ടെങ്കിലും മുല്ലപ്പെരിയാര് വിഷയത്തില് കോടതിയില് രണ്ട് ചേരികളില് നിന്ന് ശത്രുക്കളെ പോലെ പൊരുതുകയാണ്. തമിഴ്നാട് മുഖ്യമന്ത്രി എം.കെ.സ്റ്റാലിനും, കേരള മുഖ്യമന്ത്രി പിണറായി വിജയനും സമാന്യം ഭേദപ്പെട്ട ബന്ധത്തിലാണ്. ഇരു മുഖ്യമന്ത്രമാരും രാഷ്ട്രീയ നേട്ടത്തിനായി ഒന്നിക്കുമ്പോള് ലക്ഷക്കണക്കിന് ജനങ്ങളുടെ ജീവന് ഭീഷണിയാകുന്ന മുല്ല്പ്പെരിയാര് ഡാം വിഷയത്തില് ഒരു ചര്ച്ച പോലും നടത്തിയിട്ടില്ലെന്നതും ശ്രദ്ധേയമാണ്.
എന്നാല് ഗവര്ണര്മാരെ മോദി നേരിട്ട് നിയന്ത്രിക്കുന്നതിനാല് കാര്യങ്ങള് കേന്ദ്ര തീരുമാനത്തിനനുസരിച്ചേ നടക്കാറുള്ളൂവെന്നാണ് സമീപകാല സംഭവങ്ങള് തെളിയിക്കുന്നത്. ഈ സാഹചര്യത്തിലാണ് തുല്യദുഖിതരായ കേരളവും തമിഴ്നാടും ഗവര്ണര്മര്ക്കെതിരെ സംയുക്ത പോരാട്ടത്തിനിറങ്ങിയിരിക്കുന്നത്.നിയമസഭ പാസാക്കിയ ബില്ലുകള് പിടിച്ചുവയ്ക്കുന്ന ഗവര്ണര്മാരുടെ നടപടി ചോദ്യം ചെയ്യുന്നതിന് കേരളവും തമിഴ്നാടും യോജിച്ചു പ്രവര്ത്തിക്കാന് ധാരണയായിട്ടുള്ളത്.. ഫെഡറല് തത്വങ്ങള് കാറ്റില്പറത്തുന്ന ഗവര്ണര്മാരുടെ അപ്രമാദിത്തം ചോദ്യം ചെയ്യാന് കേരളം എല്ലാ പിന്തുണയും നല്കുമെന്ന് മുഖ്യമന്ത്രി പിണറായി വിജയന്, തമിഴ്നാട് മുഖ്യമന്ത്രി എം.കെ.സ്റ്റാലിന് ഉറപ്പു നല്കി. യോജിച്ച പോരാട്ടത്തിനു പിന്തുണ തേടി സ്റ്റാലിന് അയച്ച കത്തിനു മറുപടിയായി, പോരാട്ടത്തില് തമിഴ്നാടിനൊപ്പം പങ്കു ചേരുമെന്ന് അദ്ദേഹം വാഗ്ദാനം ചെയ്തു.
സമാന ദുരിതം അനുഭവിക്കുന്ന സംസ്ഥാനങ്ങളെ കൂടി ഉള്പ്പെടുത്തി മുന്നോട്ട് പോകാനാണ് തീരുമാനം.ഇന്ത്യന് ജനാധിപത്യം എത്തിനില്ക്കുന്ന വഴിത്തിരിവ് ഓര്മിപ്പിച്ചാണ് സ്റ്റാലിന് പിണറായിക്കു കത്തയച്ചത്. ഓണ്ലൈന് റമ്മി നിയമവിരുദ്ധമാക്കി തമിഴ്നാട് നിയമസഭ പാസാക്കിയ ബില് ഉള്പ്പെടെയുള്ളവ സംബന്ധിച്ചു ഗവര്ണര് ആരാഞ്ഞ എല്ലാ വിശദീകരണവും നല്കിയിട്ടും ഒപ്പിടാതെ പിടിച്ചുവച്ചിരിക്കുകയാണെന്നു സ്റ്റാലിന് ചൂണ്ടിക്കാട്ടി. തങ്ങള് നേരിടുന്നതിനു സമാനമായ ദുര്യോഗം പല സംസ്ഥാനങ്ങളും അഭിമുഖീകരിക്കുന്നുണ്ട്. നിയമസഭ പാസാക്കുന്ന ബില്ലുകളില് ഗവര്ണര് ഒപ്പിടുന്നതിനു സമയക്രമം നിശ്ചയിക്കണമെന്ന് ആവശ്യപ്പെട്ട് തമിഴ്നാട് സര്ക്കാര് പോരാട്ടം ആരംഭിച്ചിരിക്കുകയാണ്. ഈ ആവശ്യം ഉന്നയിച്ചു തമിഴ്നാട് നിയമസഭ പ്രമേയം പാസാക്കി കേന്ദ്രത്തിനും രാഷ്ട്രപതിക്കും അയച്ചു. സമാനമായ പ്രമേയം കേരള നിയമസഭയും പാസ്സാക്കുമെന്ന പ്രത്യാശയും സ്റ്റാലിന് പങ്കുവയ്ക്കുന്നുണ്ട്.
തമിഴ്നാട് നിയമസഭ പാസാക്കിയ പ്രമേയം കൂടി ഉള്പ്പെടുന്ന കത്താണ് അദ്ദേഹം പിണറായിക്ക് അയച്ചത്. ബില്ലുകള് ഒപ്പിടാതെ പിടിച്ചുവയ്ക്കുന്ന ഗവര്ണര്മാരുടെ ഭരണഘടനാവിരുദ്ധ നടപടിക്കെതിരായ പോരാട്ടത്തില് കേരളം കൂടെയുണ്ടാകുമെന്ന് മറുപടിക്കത്തില് പിണറായി ഉറപ്പ് നല്കി. സമീപകാലത്ത് സമാന നടപടിക്കു കേരളവും സാക്ഷിയാണ്. ഗവര്ണര് ആരാഞ്ഞ സംശയങ്ങള്ക്കു തൃപ്തികരമായ മറുപടി മന്ത്രിമാരും ഉദ്യോഗസ്ഥരും നേരിട്ടു നല്കിയശേഷവും ബില്ലുകള് ഒപ്പിടാതെ പിടിച്ചുവച്ചിരിക്കുകയാണ്.
മന്ത്രിസഭയുടെ ഉപദേശ നിര്ദേശങ്ങള്ക്ക് അനുസരിച്ചു പ്രവര്ത്തിക്കേണ്ട ഗവര്ണര്മാരുടെ അവകാശ, അധികാരങ്ങള് ഭരണഘടന കൃത്യമായി പറയുന്നുണ്ട്.ജനാധിപത്യപരമായി തിരഞ്ഞെടുത്ത സര്ക്കാരുകളുടെ അവകാശങ്ങള് ഹനിക്കാനുള്ള ശ്രമത്തിനെതിരായ പോരാട്ടത്തില് കേരളത്തിന്റെ സഹകരണവും പിന്തുണയും ഉണ്ടാകുമെന്നും സ്റ്റാലിന്റെ നിര്ദേശം കേരളം ഗൗരവത്തോടെയാണ് കാണുന്നതെന്നും പിണറായി അറിയിച്ചു.
https://www.facebook.com/Malayalivartha
