ദേശീയ പതാകയെ ദുരുപയോഗം ചെയ്ത സംഭവത്തില്‍ യുവാവ് അറസ്റ്റില്‍. ഇറച്ചിക്കടയിലെ കോഴിയെ ശുദ്ധീകരിക്കാനായി ദേശീയ പതാക ഉപയോഗിച്ചതിന് പിന്നാലെയാണ് നടപടി. ദാദ്ര നഗര്‍ ഹവേലിയിലെ സില്‍വസ എന്ന സ്ഥലത്താണ് ദേശീയ പതാകയെ അപമാനിച്ച സംഭവമുണ്ടായത്.

പിടിയിലായ യുവാവ് കോഴിയെ വൃത്തിയാക്കാനായി ദേശീയ പതാക ഉപയോഗിക്കുന്നതിന്റെ ദൃശ്യങ്ങള്‍ സമൂഹമാദ്ധ്യമങ്ങളിലൂടെ പ്രചരിച്ചിരുന്നു. പിന്നാലെയാണ് അറസ്റ്റ് ചെയ്തത്. പ്രതിയെ കുറിച്ചുള്ള കൂടുതല്‍ വിവരങ്ങള്‍ പൊലീസ് പുറത്തു വിട്ടിട്ടില്ല.