മാനനഷ്ടക്കേസിലെ വിധി സ്റ്റേ ചെയ്യണമെന്ന ഹര്ജി തളളി... പത്തിലധികം കേസുകള് രാഹുലിനെതിരെയുണ്ട്, രാഹുല് സ്ഥിരമായി തെറ്റുകള് ആവര്ത്തിക്കുന്നുണ്ടെന്ന് കോടതി, രാഹുലിന്റെ അയോഗ്യത തുടരും...
കോണ്ഗ്രസ് നേതാവ് രാഹുല് ഗാന്ധിക്ക് മാനനഷ്ടക്കേസില് തിരിച്ചടി.... രാഹുല് ഗാന്ധി നല്കിയ അപ്പീല് ഗുജറാത്ത് ഹൈക്കോടതി തള്ളി, രാഹുലിന്റെ അയോഗ്യത തുടരും.
മോദി സമുദായത്തെ അപമാനിച്ചെന്ന കേസില് കുറ്റക്കാരനെന്ന വിധി സ്റ്റേ ചെയ്യണമെന്ന് ആവശ്യപ്പെട്ട് രാഹുല് ഗാന്ധി നല്കിയ അപ്പീല് ഗുജറാത്ത് ഹൈക്കോടതി തള്ളി. രാഹുലിന്റെ അയോഗ്യത തുടരും. രാഹുല് കുറ്റക്കാരനെന്ന വിധി ഉചിതമാണെന്നും ശിക്ഷാവിധിയില് തെറ്റില്ലെന്നും ഇടപെടേണ്ട സാഹചര്യമില്ലെന്നും ഗുജറാത്ത് കോടതി വ്യക്തമാക്കി.
ജസ്റ്റിസ് ഹേമന്ദ്ര പ്രചകിന്റെ ബഞ്ചാണ് ഹര്ജിയില് വിധി പറഞ്ഞത്. 10 ലേറെ ക്രിമിനല് കേസുകള് രാഹുലിനെതിരെയുണ്ടെന്നും രാഹുല് സ്ഥിരമായി തെറ്റ് ആവര്ത്തിക്കുന്നതായി കോടതി നിരീക്ഷിച്ചു.
2019 ലെ ലോക്സഭാ തെരഞ്ഞെടുപ്പ് പ്രചാരണ കാലത്ത് കര്ണാടകയിലെ കോലാറില് വച്ച് രാഹുല് നടത്തിയ പ്രസംഗമാണ് കേസിനാധാരം. മോദി സമുദായത്തെ അപമാനിച്ചെന്ന ഹര്ജിയില് സൂറത്തിലെ മജിസ്ട്രേറ്റ് കോടതി പരമാവധി ശിക്ഷയായ 2 വര്ഷം തടവ് വിധിച്ചതോടെയാണ് രാഹുല് എംപി സ്ഥാനത്ത് നിന്ന് അയോഗ്യനായത്. ജില്ലാ കോടതിയെ സമീപിച്ചെങ്കിലും അപ്പീല് തള്ളിയതോടെയാണ് രാഹുല് ഹൈക്കോടതിയിലെത്തിയത്.
"
https://www.facebook.com/Malayalivartha
