ഉത്തരാഖണ്ഡിലും ഹിമാചല് പ്രദേശിലും കനത്ത മഴ തുടരുന്നു.... ഹിമാചലില് ഏഴ് ജില്ലകളില് റെഡ് അലര്ട്ട്
ഉത്തരാഖണ്ഡിലും ഹിമാചല് പ്രദേശിലും കനത്ത മഴ തുടരുന്നു. ഹിമാചലില് ഏഴ് ജില്ലകളില് റെഡ് അലര്ട്ട് പ്രഖ്യാപിച്ചു. ഹിമാചലില് മാത്രം മൂന്നു ദിവസങ്ങള്ക്കിടെ 30 മരണങ്ങള് സ്ഥിരീകരിച്ചു. റോഡുകള് തകര്ന്നത് അടക്കം 4000 കോടി രൂപയുടെ നാശനഷ്ടങ്ങളുണ്ടായി. ഡല്ഹി, ലേ ഭാഗങ്ങളിലേക്കുള്ള പ്രധാന പാതകള് തകര്ന്നതിനാല് വിനോദ സഞ്ചാരികള് കുടുങ്ങിക്കിടക്കുന്നു
50 വര്ഷത്തിനിടെയുള്ള കനത്ത മഴയാണ് ഹിമാചലില് പെയ്തത്. ഹിമാചല് മുഖ്യമന്ത്രി സുഖ്വീന്ദര് സിംഗ് സുഖു വെള്ളപ്പൊക്ക ബാധിത പ്രദേശങ്ങളില് വ്യോമ നിരീക്ഷണം നടത്തി. ചന്ദ്രതാലില് കുടുങ്ങിയ 300 പേരെ പുറത്തെത്തിക്കാനുള്ള രക്ഷാപ്രവര്ത്തനം തുടങ്ങി.
കുളുവില് കുടുങ്ങിക്കിടക്കുന്നവരെ രക്ഷിക്കാനായി കൂടുതല് ഹെലികോപ്ടറുകള് എത്തിച്ചു. നിലവില് കുടിവെള്ള പ്രശ്നമാണ് അവിടെ നേരിടുന്ന പ്രധാന വെല്ലുവിളിയെന്ന് അധികൃതര്. ബിയാസ് നദിയില് ജലനിരപ്പുയര്ന്നതിനാല് മണ്ഡി ജില്ലയില് 100ലേറെ കുടുംബങ്ങളെ ഒഴിപ്പിച്ചു. പഞ്ചാബിലും ഹരിയാനയിലും മഴയ്ക്ക് അല്പം ശമനം വന്നിട്ടുണ്ട്.
ദുരാതാശ്വാസ പ്രവര്ത്തനങ്ങള് നടന്നു വരികയാണെന്ന് അധികൃതര് . ദേശീയ ദുരന്ത നിവാരണ സേനയുടെയും പൊലീസിന്റെയുമുള്പ്പെടെ 12 സംഘങ്ങളെ പഞ്ചാബില് രക്ഷാപ്രവര്ത്തനത്തിനായി നിയോഗിച്ചു.
ബഹുജന് സമാജ് പാര്ട്ടി അധ്യക്ഷ മായാവതി, മഴക്കെടുതിയില് വലയുന്ന സംസ്ഥാനങ്ങള്ക്ക് കേന്ദ്രം അടിയന്തര സഹായം നല്കണമെന്ന് ആവശ്യപ്പെട്ടു.
"
https://www.facebook.com/Malayalivartha
