ആഹാരം കഴിക്കുന്നതിനു മുൻപ് കൈ കഴുകണം എന്ന് കുട്ടിക്കാലം മുതൽ പറഞ്ഞ് പഠിപ്പിക്കുന്നതാണ് . ഇത് ഒരു നല്ല ശുചിത്വത്തിന്റെ ശീലം തന്നെയാണ് . എന്നാൽ പലരും ഈ ഒരു ശീലം പിന്തുടരാറില്ല എന്നതാണ് സത്യം. ഇതിലൊക്കെ വലിയ കാര്യങ്ങൾ ഉണ്ടോ എന്ന് ചിന്തിക്കുന്നവർക്ക് ഒരു വലിയ പാഠമായ വാർത്തയാണ് ഇപ്പോൾ പുറത്തു വന്നുകൊണ്ടിരിക്കുന്നത്. കൈ കഴുകിയില്ല എങ്കിലും ഭക്ഷണം കഴിക്കുന്നത് കൊണ്ട് എന്താണ് എന്ന് ചിന്തിക്കുന്നവർ ഈ ഒരു വാർത്ത അറിയാതെ പോകാൻ പാടില്ല.. മാംഗ്ലൂരിൽ നിന്നുമാണ് ഈ ഒരു വാർത്ത വരുന്നത്.

ഹുബ്ബള്ളിയിലെ ഫോറസ്റ്റ് ഉദ്യോഗസ്ഥനായ കുത്ബട ഗ്രാമത്തിലെ യോഗേഷ് നായിക്ക് ഉച്ചഭക്ഷണം കഴിച്ചതിനുശേഷം അതി കഠിനമായ വയറുവേദനയെ തുടർന്നത് മരിച്ചു .വിമോലി ഡിവിഷനിൽ ഓഫിസറാണ് യോഗേഷ് നായിക്ക് . കഴിഞ്ഞ മാസം 28 നാണു ദാരുണ സംഭവം ഉണ്ടായത്

ജോലിത്തിരക്കിനിടയിൽ ഉച്ചഭക്ഷണം കഴിക്കാൻ വൈകി . വിശപ്പ് സഹിക്കാതെ ആയപ്പോൾ കൈകഴുകാനൊന്നും നിൽക്കാതെ പെട്ടെന്ന് ഭക്ഷണം കഴിച്ചു .. എന്നാൽ ഭക്ഷണത്തിനു ശേഷം   കഠിനമായ വയറുവേദന അനുഭവപ്പെട്ട ഉടനെ തന്നെ ഒരു സ്വകാര്യ ആശുപത്രിയിൽ പോയി ഡോക്ടറെ കാണുകയും വയറുവേദനയ്ക്ക് വേണ്ടിയുള്ള മരുന്നു കഴിക്കുകയും ചെയ്തു എന്നാൽ വയറുവേദന മാറാതെ വന്നതോടെ വീണ്ടും ഹുബ്ബള്ളിയിലെ ആശുപത്രിയിലേക്ക് പോയി. 

ആ സമയത്ത് ഇദ്ദേഹം ബോധരഹിതനാവുകയും ചെയ്തു ഉടനെ മറ്റൊരു ആശുപത്രിയിലേക്ക് കൊണ്ടുപോകുവാനാണ് അധികൃതർ ആവശ്യപ്പെട്ടത്.. ഹുബ്ബള്ളിയിലെ കിംസ് ആശുപത്രിയിലേക്ക് ചെന്നപ്പോഴാണ് അദ്ദേഹത്തിന്റെ വൃക്കകൾക്കും ശ്വാസകോശത്തിനും ലിവറിനും കാര്യമായ പ്രശ്നങ്ങൾ ഉണ്ടെന്ന് മനസ്സിലാകുന്നത്

എന്താണ് അദ്ദേഹത്തിൻറെ മരണകാരണം എന്നത് വ്യക്തമാകുന്നുണ്ടായിരുന്നില്ല എന്നാൽ വിശദമായ അന്വേഷണങ്ങൾക്ക് ശേഷം അദ്ദേഹത്തിൻറെ ശരീരത്തിൽ വിഷം ചെയ്തിട്ടുണ്ട് എന്ന് മനസ്സിലാക്കാൻ സാധിച്ചു എങ്ങനെയാണ് അദ്ദേഹത്തിൻറെ ശരീരത്തിലേക്ക് ഈ വിഷം കലരുന്നത് എന്ന ചോദ്യം വന്നതോടെ സഹപ്രവർത്തകർ ഒരു കാര്യം ഓർമിച്ചെടുത്തു തലേദിവസം ഇദ്ദേഹം തേക്കിൻ തൈകൾക്ക് കീടനാശിനി അടിക്കുവാൻ വേണ്ടി പോയിരുന്നു ..വീര്യമേറിയ കീടനാശിനിയായിരുന്നു അടിച്ചത്.. 

അതിനുശേഷം കൈ കഴുകാതെ നേരെ ഉച്ചഭക്ഷണം കഴിക്കുകയായിരുന്നു ചെയ്തത്.അപ്പോൾ കൈയ്യിൽ പറ്റിയിരുന്ന വിഷാംശം ഭക്ഷണത്തിലൂടെ യോഗേഷിന്റെ ഉള്ളിലെത്തി എന്നും അതാണ് മരണകാരണം എന്നുമാണ് പ്രാഥമിക വിവരം . പോലീസ് കേസെടുത്തിട്ടുണ്ട്