2024ലെ പദ്മ പുരസ്കാരങ്ങള് പ്രഖ്യാപിച്ചു... പദ്മവിഭൂഷണ്, പദ്മഭൂഷണ്, പദ്മശ്രീ ബഹുമതികളാണ് പ്രഖ്യാപിച്ചത്, സുപ്രീംകോടതിയിലെ ആദ്യ വനിതാ ജസ്റ്റിസ് ഫാത്തിമ ബീവി (മരണാനന്തരം), മുന് കേന്ദ്രമന്ത്രിയും ബി.ജെ.പി.യുടെ മുതിര്ന്ന നേതാവുമായ ഒ. രാജഗോപാല് എന്നിവര്ക്ക് പദ്മഭൂഷണ്
2024ലെ പദ്മ പുരസ്കാരങ്ങള് പ്രഖ്യാപിച്ചു. പദ്മവിഭൂഷണ്, പദ്മഭൂഷണ്, പദ്മശ്രീ ബഹുമതികളാണ് പ്രഖ്യാപിച്ചത്. സുപ്രീംകോടതിയിലെ ആദ്യ വനിതാ ജസ്റ്റിസ് ഫാത്തിമ ബീവി (മരണാനന്തരം), മുന് കേന്ദ്രമന്ത്രിയും ബി.ജെ.പി.യുടെ മുതിര്ന്ന നേതാവുമായ ഒ. രാജഗോപാല് എന്നിവര്ക്ക് പദ്മഭൂഷണ് ലഭ്യമായി.
ജസ്റ്റിസ് ഫാത്തിമ ബീവി (പൊതുകാര്യം), ഹോര്മുസ്ജി എന്. കാമ, മിഥുന് ചക്രവര്ത്തി, സീതാറാം ജിന്ഡാല്, യങ് ലിയു, അശ്വിന് ബാലചന്ദ് മെഹ്ത, സത്യഭാരത മുഖര്ജി (മരണാനന്തരം), റാം നായിക്, തേജസ് മധുസൂദന് പട്ടേല്, ഒ. രാജഗോപാല് (പൊതുകാര്യം), ദത്തത്രായ് അംബദാസ് മയലൂ ഏലിയാസ് രാജ്ദത്ത്, തോഗ്ദാന് റിന്പോച്ചെ (മരണാനന്തരം), പ്യാരിലാല് ശര്മ, ചന്ദ്രേശ്വര് പ്രസാദ് ഠാക്കൂര്, ഉഷ ഉതുപ്പ്, വിജയകാന്ത് (മരണാനന്തരം), കുന്ദന് വ്യാസ് എന്നിവര്ക്കാണ് പദ്മഭൂഷണ് ലഭിച്ചത്.
കഥകളി ആചാര്യന് സദനം ബാലകൃഷ്ണന്, തെയ്യം കലാകാരന് ഇ.പി. നാരായണന്, കാസര്കോട്ടെ നെല്ക്കര്ഷകന് സത്യനാരായണ ബലേരി, എഴുത്തുകാരനും വിദ്യാഭ്യാസപ്രവര്ത്തകനുമായ പകരാവൂര് ചിത്രന് നമ്പൂതിരിപ്പാട് (മരണാനന്തരം), ആധ്യാത്മികാചാര്യന് മുനി നാരായണപ്രസാദ്, തിരുവിതാംകൂര് കൊട്ടാരത്തിലെ അശ്വതി തിരുനാള് ഗൗരി ലക്ഷ്മിബായ് തമ്പുരാട്ടി എന്നീ മലയാളികളാണ് പദ്മശ്രീ പുരസ്കാരത്തിനര്ഹത നേടിയത്.
അഞ്ചുപേര്ക്കാണ് പദ്മവിഭൂഷണ്. 17 പേര്ക്ക് പദ്മഭൂഷണും 110 പേര്ക്ക് പദ്മശ്രീയും ലഭ്യമായി. വൈജയന്തിമാല ബാലി (കല), ചിരഞ്ജീവി (കല), വെങ്കയ്യ നായിഡു, ബിന്ദേശ്വര് പഥക് (സാമൂഹിക സേവനം മരണാനന്തരം), പദ്മ സുബ്രഹ്മണ്യം (കല) എന്നിവര്ക്കാണ് പദ്മവിഭൂഷണ് ലഭ്യമായത്.
ഇന്ത്യയിലെ ആദ്യ വനിതാ പാപ്പാന് പാര്ബതി ബറോ, ഗോത്രക്ഷേമപ്രവര്ത്തകന് ജഗേശ്വര് യാദവ്, ഗോത്ര പരിസ്ഥിതി പ്രവര്ത്തകയും ്സ്ത്രീശാക്തീകരണപ്രവര്ത്തകയുമായ ചാമി മുര്മു, സാമൂഹികപ്രവര്ത്തകന് ഗുര്വീന്ദര് സിങ്, ഗോത്ര പരിസ്ഥിതി പ്രവര്ത്തകന് ദുഖു മാജി, ജൈവ കര്ഷക കെ. ചെല്ലമ്മാള്, സാമൂഹിക പ്രവര്ത്തകന് സംഘാതന്കിമ, പാരമ്പര്യചികിത്സകന് ഹേംചന്ദ് മാഞ്ജി, പച്ചമരുന്ന് വിദഗ്ധ യാനുംഗ് ജമോഹ് ലെഗോ, ഗോത്ര ഉന്നമനപ്രവര്ത്തകന് സോമണ്ണ, ഗോത്ര കര്ഷകന് സര്ബേശ്വര് ബസുമതാരി, പ്ലാസ്റ്റിക് സര്ജറി വിദഗ്ധ പ്രേമ ധന്രാജ്, മല്ലഖമ്പ് കോച്ച് ഉദയ് വിശ്വനാഥ് ദേശ്പാണ്ഡെ, നേപ്പാള് ചന്ദ്ര സൂത്രധാര്, ബാബു രാം യാദവ്, ദസരി, കൊണ്ടപ്പ, ജാങ്കിലാല്, ഗഡ്ഡം സാമയ്യ, മാച്ചിഹാന് സാസ, ജോര്ദാന് ലെപ്ച, ബദ്രപ്പന് എം, സനാതന് രുദ്രപാല്, ഭഗവത് പദാന്, ഓംപ്രകാശ് ശര്മ, സ്മൃതി രേഖ ചക്മ, ഗോപിനാഥ് സ്വെയിന്, ഉമാ മഹേശ്വരി ഡി, അശോക് കുമാര് ബിശ്വാസ്, രതന് കഹാര്, ശാന്തി ദേവി പാസ്വാന് & ശിവന് പാസ്വാന്, യസ്ദി മനേക്ഷ ഇറ്റാലിയ എന്നിവര്ക്കാണ് പദ്മശ്രീ ലഭിച്ചത്.
അതേസമയം രാഷ്ട്രപതിയുടെ സേന മെഡലുകള് പ്രഖ്യാപിച്ചു. ഇത്തവണ 80 പേര്ക്കാണ് രാഷ്ട്രപതിയുടെ ധീരതയ്ക്കുളള സൈനിക പുരസ്കാരങ്ങള് ലഭിക്കുക. ഇതില് മൂന്ന് കീര്ത്തി ചക്ര ഉള്പ്പെടെ 12 സേന മെഡലുകള് മരണാനന്തര ബഹുമതിയായിട്ടാണ് നല്കുക.
ക്യാപ്റ്റന് അനുഷ്മാന് സിങ്ങ്, ഹവീല്ദാര് അബ്ദുള് മജീദ്, ശിപോയി പവന് കുമാര് എന്നിവര്ക്ക് കീര്ത്തിചക്ര മരണാനന്തര ബഹുമതിയായാണ് നല്കുക. ആകെ ആറ് കീര്ത്തി ചക്ര, 16 ശൗര്യ ചക്ര, 53 സേന മെഡലുകള് എന്നിവയാണ് പ്രഖ്യാപിച്ചത്.
ഒരു നാവിക സേന മെഡലും നാലു വ്യോമസേന മെഡലുകളും പ്രഖ്യാപിച്ചിട്ടുണ്ട്. 311 വിശിഷ്ട സേവാ മെഡലുകളും പ്രഖ്യാപിച്ചു. ആറ് മലയാളികള്ക്ക് പരം വിശിഷ്ട സേവാ മെഡല് ലഭിക്കും. ലഫ് ജനറല് പി.ജി കെ മേനോന്, ലഫ് ജനറല് അരുണ് അനന്ത നാരായണന്, ലഫ് ജനറല് അജിത് നീലകണ്ഠന്, ലഫ് ജനറല് മാധവന് ഉണ്ണികൃഷ്ണന്, ലഫ് ജനറല് ജോണ്സണ് പി മാത്യു, ലെഫ് ജന. ഉണ്ണികൃഷണന് നായര് എന്നിവര്ക്കാണ് പരം വിശിഷ്ട സേവാ മെഡല്
"
https://www.facebook.com/Malayalivartha
