വെള്ളിയാഴ്ച ഡൽഹിയിലെ ഷഹദാര പ്രദേശത്തെ റാം ന​ഗർ ഏരിയി ബഹുനില കെട്ടിടത്തിൻ്റെ താഴത്തെ നിലയിലെ വീട്ടിലുണ്ടായ തീപിടിത്തത്തിൽ9 മാസം പ്രായമുള്ള പിഞ്ചു കുഞ്ഞടക്കം നാലുപേർ വെന്തുമരിച്ചു, മറ്റ് രണ്ട് പേർക്ക് പരിക്കേറ്റിട്ടുണ്ട്. രചന (28), ഒമ്പത് മാസം പ്രായമുള്ള മകൾ റൂഹി എന്നിവരാണ് മരിച്ചത്. ഗൗരി സോണി (40), മകൻ പ്രഥമൻ സോണി (17). കെട്ടിടത്തിലുടനീളം പുക പടർന്നതിനെ തുടർന്ന് അവർ ശ്വാസംമുട്ടി മരിച്ചു; അവർക്കും പൊള്ളലേറ്റു. കാലിനും കൈക്കും പൊള്ളലേറ്റ രാധിക (16)യ്ക്കാണ് പരിക്കേറ്റത്. 70 കാരി പ്രഭാവതിക്ക് ​ഗുരുതരമായി പൊള്ളലേറ്റിട്ടുണ്ട്.

രാം നഗറിലെ ഒരു കെട്ടിടത്തിൽ തീപിടിത്തത്തിൽ ചില താമസക്കാർ കുടുങ്ങിക്കിടക്കുന്നതായി വൈകിട്ട് 5.22 ന് പിസിആർ കോൾ ലഭിച്ചതായി ഡിസിപി (ഷഹ്ദര) സുരേന്ദ്ര ചൗധരി പറഞ്ഞു. പോലീസ് സ്ഥലത്തെത്തി വഴിയാത്രക്കാരുടെ സഹായത്തോടെ കുടുങ്ങിയ മൂന്ന് പേരെ പുറത്തെടുത്തു. ഡൽഹി ഫയർ സർവീസസ് (ഡിഎഫ്എസ്) ഉദ്യോഗസ്ഥർ എത്തിയ ശേഷം മൂന്നു പേരെ കൂടി രക്ഷപ്പെടുത്തി.കെട്ടിടത്തിന് ഒരു കോണിപ്പടിയെ ഉണ്ടായിരുന്നുള്ളു. ഇതാണ് അപകടത്തിന്റെ വ്യാപ്തി കൂട്ടിയത്. തീപിടിത്തമുണ്ടായതോടെ മുകൾ നിലയിൽ താമസിച്ചിരുന്നവർ താഴെയിറങ്ങാനാകാതെ കുടുങ്ങി പോവുകയായിരുന്നു.

കെട്ടിടത്തിൻ്റെ ഉടമയുടെ മകൻ്റെ ഉടമസ്ഥതയിലുള്ള താഴത്തെ നിലയിലെ വസതിയിൽ സൂക്ഷിച്ചിരുന്ന വൈപ്പറുകളും റബ്ബർ കട്ടിംഗ് മെഷീനും പോലുള്ള റബ്ബർ സാമഗ്രികൾ കത്തിച്ചതായി വെളിപ്പെടുത്തി, ഡൽഹി ഫയർ സർവീസസ് (DFS) ചീഫ് അതുൽ ഗാർഗ് പങ്കുവെച്ചു. പ്ലാസ്റ്റിക് വസ്തുക്കൾക്ക് തീപിടിക്കുകയും പുക മുകളിലേക്ക് നീങ്ങുകയും ചെയ്തതിരുന്നു. ഇത് മൂലമുള്ള ഷോർട്ട് സർക്യൂട്ടാണ് തീപിടുത്തത്തിന് പിന്നിലെന്ന് പ്രഥമദൃഷ്ട്യാ തോന്നുന്നതെന്ന് മുതിർന്ന പോലീസ് ഉദ്യോഗസ്ഥൻ പറഞ്ഞു.

ഏകദേശം മൂന്ന് മാസം മുമ്പാണ് രചന റൂഹിയെ ദത്തെടുത്തത്. അവർ രണ്ടാം നിലയിലാണ് താമസിച്ചിരുന്നത്. മൂന്നാം നിലയിലാണ് ഗൗരിയും പന്ത്രണ്ടാം ക്ലാസ് വിദ്യാർഥിയുമായ മകനും താമസിച്ചിരുന്നത്.ഒറ്റ ഗോവണിയുള്ള നാല് നിലകളുള്ള കെട്ടിടത്തിന്റെ ഗ്രൗണ്ടും ഒന്നാം നിലയിലുമായി ഉടമ ഭരത് സിംഗ് ആണ് താമസിച്ചിരുന്നത്. സംഭവത്തെക്കുറിച്ച് അധികൃതർ വിശദമായ അന്വേഷണം നടത്തിവരികയാണ്.ഭരത് സിംഗിനെതിരെ [പോലീസ് നടപടികൾ ആരംഭിച്ചു.